41 YACHACHIKUY
¿Ima nintaq bibliapi warmi-qari puñuymanta?
Achka runakunam warmi-qari puñuymanta rimaytaqa pinqakunku, Jehova Diosmi ichaqa warmi-qari puñuymanta palabranpi qillqachirqa ñuqanchikta yachachiwananchikpaq. Diosqa unanchawaqninchik kasqanraykum imatapas allinninchikpaq yachachiwanchik, chaymi bibliapi niwanchik imayna kawsakunanchikta munasqanta. Payta kasukuspaqa wiñaypaqmi kusisqa kawsakusun.
1. ¿Jehova Diosqa imatataq piensan warmi-qari puñuymanta?
Jehova Diosqa munan warmi-qariqa casarakuspallanku kuska puñunankutam. Casarakunkuqa manam churi-wawayuq kanallankupaqchu, aswanqa Diospa nisqanman hina kuyanakuspanku kusisqa kawsakunankupaqmi. Chaymi bibliapiqa kaynata nin: “Musullaraq kaspa casarasqayki warmillaykiwan puñuspayá kusikuy”, nispa (Proverbios 5:18, 19). Jehova Diosqa manam munanchu casarasqakuna huchallikunankutaqa, payqa munan warmillanwan utaq qusallanwan kuyanakunankutam (leey Hebreos 13:4).
2. ¿Jehova Diospaqqa imakunataq huchapakuyqa?
Bibliapim nin: ‘Dios kamachiptinqa manam kanqachu huchapakuqkunaqa’, nispa (1 Corintios 6:9, 10). ¿Jehova Diospaqqa imakunataq huchapakuyqa? 1) Warmiwan qari manaraq casarakuchkaspanku puñusqankum, a 2) qaripuralla utaq warmipuralla puñusqankum, 3) animalkunawan huchapakuymi. Tukuy chaykunaman mana wichiykuspanchikqa allinllam kawsakusunchik, Jehova Dioswanpas kuyachikusunmi (1 Tesalonicenses 4:3).
ASTAWAN YACHAYKUSUN
¿Imam yanapawasunchik huchapakuyman mana wichiykunapaq? Hinaspapas, chayman mana wichiykuspaqa ¿imakunamantam librakusunchik? Chaykunamantam kaypi yachaykusunchik.
3. Amayá huchapakuymanqa wichiykuychu
Bibliapim willawanchik Diosta serviq Josey huchapakuyman mana wichiykusqanta. Leeychik Genesis 39:1-12 hinaspa qatiqninmanta rimariychik:
-
¿Imanasqataq Joseyqa patronninpa warmin paywan puñunanpaq niptin mana munarqachu? (Kaqmanta leeykuychik 9 versiculota).
-
¿Joseypa ayqikusqanqa allinchu karqa? ¿Imanasqa?
¿Imaynatam musu-sipaskuna Joseyta qatipakunmanku huchapakuyman mana wichiykunankupaq? VIDEOTA qawaykuychik.
Jehova Diosqa manam munanchu huchapakuyman wichiykunanchiktaqa. Leeychik 1 Corintios 6:18 hinaspa qatiqninmanta rimariychik:
-
¿Imakunataq huchapakuyman pitapas aparunman?
-
¿Imataq yanapasunkiman huchapakuyman mana wichiykunaykipaq?
4. ¿Imakunataq yanapasunkiman huchapakuyman mana wichiykunaykipaq?
¿Imakunataq huchapakuyman wichiykachisunkiman? VIDEOTA qawaykuychik hinaspa qatiqninmanta rimariychik:
-
Kay videopi qawasqanchik iñiqmasinchikqa, huchapakurunanmanta cuentata qukuruspan, ¿imatam ruwarqa?
Diosta yupaychaqkunaqa kallpanchakunankum huchapakuypi mana piensanankupaq. ¿Imataq qamtapas yanapasunkiman huchapakuypi mana piensanaykipaq? Leeychik Filipenses 4:8 hinaspa qatiqninmanta rimariychik:
-
Huchapakuypi piensanamantaqa, ¿imakunapitaq piensananchik?
-
Bibliata leesqayki hinaspa Diosta servisqaykiqa, ¿yanapasunkimanchu huchapakuyman mana wichiykunaykipaq? ¿Imanasqa?
5. Diospa niwasqanchikkunaqa allinninchikpaqmi
Diosqa munan allin kawsakunanchiktam. Chaymi niwanchik huchapakuymantapas karunchakunanchikpaq. Leeychik Proverbios 7:7-27 hinaspa VIDEOTA qawaykuychik. Chaymantañataq qatiqninmanta rimariychik:
-
Bibliapi leesqanchik musuqa, ¿imanasqataq huchapakuyman wichiykurqa? (Leeychik Proverbios 7:8, 9).
-
Proverbios 7:23, 26 nisqanman hinaqa huchapakuqkunaqa sasachakuypim tarikunku. Huchapakuyman mana wichiykuspaqa, ¿imakunamantam librakusun?
-
¿Huchapakuyman mana wichiykuspaqa imaynataq kawsakusun kunanpas hinaspa hamuq tiempopipas?
Bibliapim nin warmipura utaq qaripura puñuyqa huchapakuy kasqanta. Diosqa llapallanchiktam kuyawanchik, chaymi kusisqa kawsakunanchikta munaspan kamachikuykunata quwanchik. Leeychik 1 Corintios 6:9-11 hinaspa qatiqninmanta rimariychik:
-
¿Diospaqqa qaripura utaq warmipura puñuyllachu manaqa allin?
Dios kuyawananchikpaqqa mana allin ruwaykunatam saqinanchik, chayqa allinninchikpaqmi. Leeychik Salmos 19:8, 11 hinaspa qatiqninmanta rimariychik:
-
¿Diospa kamachikuyninkunaqa allinninchikpaqchu? ¿Imanasqam chaynata ninki?
Achka runakunatam Jehova Diosqa yanapachkan payta kasukuspanku kusisqa kawsakunankupaq, qamtapas yanapasunkimanmi.
WAKIN RUNAKUNAM NINKU: “Manaraq casarakuspapas kuyasqayki warmiwan utaq qariwanqa puñuwaqmi, imanantaq chayqa”, nispanku.
-
Qamqa ¿ima ninkitaq?
YUYARIYKUSUN
Jehova Diosqa warmitawan qaritaqa unancharqa casarakuspalla kuska puñunankupaqmi, chaynapi kuyanakuspanku kusisqa kawsakunankupaq.
¿Ima niwaqtaq?
-
Jehova Diospaqqa ¿imakunataq huchapakuyqa?
-
¿Imam yanapawachwan huchapakuyman mana wichiykunapaq?
-
¿Diospa kamachikuyninkunata kasukuyqa allinninchikpaqchu? ¿Imanasqam chaynata ninki?
ASTAWAN YACHANAYKIPAQ
Warmi-qari puñunankupaqqa puntatam casarakunanku Diospa nisqanman hina. Chaymanta kaypi yachaykuy.
“¿Diosqa ima nintaq mana casarakuspa uywanakuymanta?” (Tarinkim jw.org nisqanpi)
Bibliapiqa ninmi qaripura utaq warmipura puñuyqa hucha kasqanta, chayqa manam chiqninakuytachu hatarichin. Chaymanta kaypi yachaykuy.
Bibliapi kamachikuykunam yanapawanchik huchapakuyman mana wichiykunapaq hinaspa llakipi mana tarikunapaq. Chaymanta kaypi yachaykuy.
¿Imataq yanaparqa qarimasillanwan kakuq runata Diostaña kasukunanpaq? Paymanta kaypi leeykuy.
“Bibliam vidankuta cambiarurqa” (Llaqta Cuidaq, julio-septiembre 2011)
a Kaykunapas huchapakuytaqmi. Qari utaq warmi kayninta hukpa siminman churasqanku utaq hatun ispanantakama huchallikusqanku chaynataq qari kayninta utaq warmi kayninta llapchanakusqanku.
Kaykunatapas leeykuy
TAPUKUYKUNA
¿Imaynatam Jehova Diospa testigonkunaqa bibliamanta yachachinku?
Jehova Diospa testigonkunaqa runamasinchiktam yanapaniku bibliamanta sumaqta yachanankupaq. Munasqayki bibliawanmi estudiawaq hinaspapas invitawaqmi aylluykikunata chaynataq amistadnikikunatapas.
