42 YACHACHIKUY
¿Imatam bibliapi nin solterokunamanta hinaspa casarasqakunamanta?
Wakin runakunam ninku: “Kusisqa kawsakunapaqqa casarakunapunim”, nispanku. Ichaqa manam llapallan casarasqakunachu kusisqaqa kanku, nitaqmi llapallan solterokunachu llakisqaqa tarikunku. Bibliapiqa ninmi solterokunapas hinaspa casarasqakunapas kusisqa kawsakuy atisqankuta.
1. ¿Imanasqataq soltero kayqa utaq soltera kayqa allin?
Bibliapim nin: “Pipas casarakuqqa allintam ruwan, mana casarakuqmi ichaqa aswan allintaraq ruwan”, nispa (leey 1 Corintios 7:32, 33, 38). Solterokunaqa manam casarasqakuna hinachu warminkumanta utaq qusankumanta llakisqa kachkanku. Paykunaqa sapallankuraq kasqankuraykum huklaw llaqtakunatapas Diosmanta willakuq rinku, hinaspapas astawan tiempoyuq kasqankuraykum bibliata hinaspa qillqanchikkunatapas astawan leenku.
2. ¿Imanasqataq casarakuyqa allin?
Imaynam soltero kaypas allin, chaynam casado kaypas allin. Bibliapim nin: “Chullalla runamantaqa iskay runam aswan allinqa”, nispa (Eclesiastes 4:9). Diospa nisqanman hina kawsakuqkunaqa casarakuspankupas kusisqam kawsakunku. Autoridadkunapa qayllanpi casarakuspankum kuyanakunankupaq, respetanakunankupaq hinaspa cuidanakunankupaq ninakunku. Chayna nisqankuman hina kawsakuptinkum churi-wawankupas kusisqa wiñanku.
3. ¿Haykapikamataq casarasqakunaqa kuskanchasqa kananku?
Adantawan Evata Dios casarachispanmi nirqa: ‘Qariqa tayta-mamanta saqispam warminmanña hukllawakunqa’, nispa (Genesis 2:24). Diosqa munan casarasqakuna wañukunankukama kuska kawsakunankutam, manam munanchu rakinakunankutaqa. Mayqinninkupas hukwan pierdekuptillanmi divorciakunmankuqa, chaypas mana huchayuq kaq huchapakuruqta mana pampachayta munaptillanmi (Mateo 19:9). a Diosqa manataqmi munanchu iskay-kimsa warmiyuq utaq qariyuq kanataqa (1 Timoteo 3:2).
ASTAWAN YACHAYKUSUN
¿Imaynatam casado kaspapas utaq soltero kaspapas kusisqa kawsakuchwan? Chaymantam kaypi yachaykusun.
4. Soltero utaq soltera kayqa allinmi
Jesusqa solterom karqa, chaymi Jehova Diosta tukuy sunqunwan servirqa (Mateo 19:11, 12). Leeychik Mateo 4:23 hinaspa qatiqninmanta rimariychik:
-
¿Imaynatataq Jesusqa soltero kaspan Diosta servirqa hinaspa runakunatapas yanaparqa?
Kunan tiempopipas solterokunaqa utaq solterakunaqa Jesusta qatipakuspankum Diosta servispanku kusisqa kawsakunku. VIDEOTA qawaykuychik hinaspa qatiqninmanta rimariychik:
-
¿Imakunatam soltero utaq soltera kaqkunaqa ruwayta atinmanku?
Yachaykunaykipaq
Bibliapiqa manam ninchu hayka watanpi pipas casarakunanmantaqa, ichaqa ninmi ‘musu-sipasyasqan waytariy tiempo’ pasaruptinña casarakunanpaq. Chaynapi qariwan utaq warmiwan puñuyta munasqankuraykulla mana casarakunanpaq (1 Corintios 7:36).
5. Kuyay-yanaykita allinta akllakuy
Kuyay-yananchiktaqa akllakunchik wañukunanchik punchawkama paywan kawsakunanchikpaqmi. Leeychik Mateo 19:4-6, 9 hinaspa qatiqninmanta rimariychik:
-
¿Imanasqataq Diosta serviqqa allinta tantiakunanchik manaraq casarakuchkaspa?
Bibliapim nin allin warmi utaq allin qusaqa imayna kasqanta. Chayta yachaspa vida pasaqmasinchikta allinta akllakuspanchikqa kusisqam kawsakusunchik, chayraykum akllakunanchik Dios kuyaq runata. b Leeychik 1 Corintios 7:39 hinaspa 2 Corintios 6:14, chaymantañataq qatiqninmanta rimariychik:
-
Diosta serviq qari utaq warmi casarakuyta munaspanqa, ¿imanasqam Diosta serviqllawan casarakunan?
-
¿Imaynataq Dios tarikunman payta mana yupaychaq runawan casarakuptinchikqa?
Torotawan asnota yapunapaq wataruptinkuqa iskayninkum ñakarillanku. Chaynam Diosta mana yupaychaqwan casarakuqkunaqa sasachakuykunapi tarikunqaku.
6. Diospaqqa manam allinchu divorciakuyqa
Ñawpa tiempopim yanqakunamanta divorciakuqku. Leeychik Malaquias 2:13, 14, 16 hinaspa qatiqninmanta rimariychik:
-
¿Imanasqataq Diosqa mana munanchu pipas yanqakunaraykulla divorciakunanta?
Mayqinpas huchapakurusqanrayku divorciakuruptinkuqa mana huchayuq kaqmi hinaspa churi-wawakunam ñakarin.
VIDEOTA qawaykuychik hinaspa qatiqninmanta rimariychik:
-
Yanayki mana Jehova Diosta serviptinqa, ¿imaynatam kusisqa kawsakuwaqchik?
7. Diosta kasukuspaqa kusisqam kawsakusun
Wakinpim sasa kanman Diospa kamachikuyninkunata kasukuy, c kasukuspam ichaqa allin kawsakusun. VIDEOTA qawaykuychik.
Leeychik Hebreos 13:4 hinaspa qatiqninmanta rimariychik:
-
Casarasqakunapaq Diospa kamachisqanqa ¿allinchu? ¿Imanasqa?
Diosqa munanmi autoridadkuna kasukunanchikta, chaymi leyman hina civilpi casarakuna, leyman hinataqmi divorciakunapas. Leeychik Tito 3:1 hinaspa qatiqninmanta rimariychik:
-
Casarasqa kaspaykiqa, ¿autoridadkunapa qayllanpi utaq civilpi casarasqachu kanki?
WAKIN RUNAKUNAM NINKU: “Warmiywanqa utaq qariywanqa unayñam kuska kaniku. Imapaqñataq casarakusaq”, nispanku.
-
Qamqa ¿ima ninkitaq?
YUYARIYKUSUN
Diospa kamachisqanman hina kawsakuspanchikqa soltero kaspapas utaq casado kaspapas kusisqam kawsakusun.
¿Ima niwaqtaq?
-
¿Imakunatam soltero utaq soltera kaqkunaqa ruwayta atinmanku?
-
¿Imanasqataq Diosqa kamachiwanchik payta serviqllawan casarakunapaq?
-
Bibliapa nisqanman hinaqa, ¿ima kaptillantaq pipas divorciakunman?
ASTAWAN YACHANAYKIPAQ
¿Imanasqataq Diosta serviqmasillanchikwan casarakunanchik? Chaymanta kaypi leeykuy.
Pipas casarakuyta munaspanqa ¿imakunapim kallpanchakunan? Chayta yachaykunaykipaq videota qawaykuy.
Huk iñiqmasinchikmi Dios serviyta munasqanrayku tukuyta saqirqa, ichaqa kusisqam kawsakurqa. Paymanta kaypi yachaykuy.
Riqsinakusqay sipaspas biblia estudianantam munarqani (1:56)
Pipas divorciakuyta utaq rakinakuyta munaspanqa, ¿imatam yuyarinan? Kaypi chaymanta leeykuy.
“Respetasunyá Diospa kuskanchasqantaqa” (Willakuq, diciembre 2018)
a Wakin casarasqakunam rakinakunku mayqinninku mana huchapakuchkaptinkupas. Chaymanta yachaykunaykipaq qawaykuy kay libropa tukupayninpi 4 willakuyta.
b Wakin nacionkunapiqa tayta-mamakunam akllan churi-wawanku piwan casarakunankupaq. Diosta serviq tayta-mamaqa manam apu runatachu maskanku aswanqa sunqumanta Dios kuyaq runatam.
c Sichu piwanpas uywanakuchkanki hinaspaqa kikikim tantiakunayki casarakunaykipaq utaq rakikunaykipaqpas.
Kaykunatapas leeykuy
TAPUKUYKUNA
¿Imaynatam Jehova Diospa testigonkunaqa bibliamanta yachachinku?
Jehova Diospa testigonkunaqa runamasinchiktam yanapaniku bibliamanta sumaqta yachanankupaq. Munasqayki bibliawanmi estudiawaq hinaspapas invitawaqmi aylluykikunata chaynataq amistadnikikunatapas.
