46 YACHACHIKUY
¿Imanasqataq Diosllapaqña kawsakunapaq tantiakunanchik?
Pipas Diosllapaqña kawsakunanpaq tantiakuspanqa mañakuspanmi Jehova Diosta nin payllata servinanmanta hinaspa kamachikuyninkunata imamantapas puntata ruwananmanta (Salmos 40:8). Chaymantam bautizakuptin hukkunapas yachanku Diosllataña servinanpaq tantiakusqanta. Ima tantiakusqanchikmantapas Jehova Diosllapaqña kawsakunapaq tantiakusqanchikmi aswan allinqa. Chaymantapacham tukuy imata saqispa Jehova Diosllataña servinapaq kawsakunchik. Qamtapas, ¿imataq yanapasunkiman Jehova Diosllapaqña kawsanapaq tantiakunaykipaq?
1. ¿Imanasqataq tantiakunchik Jehova Diosllapaqña kawsakunapaq?
Jehova Diosta kuyasqanchikraykum tantiakunchik payllapaqña kawsakunanchikpaq (1 Juan 4:10, 19). Bibliapim niwanchik: “Jehova Diosnikitam kuyanayki tukuy sunquykiwan, tukuy vidaykiwan, tukuy yuyaynikiwan hinaspa tukuy kallpaykiwan”, nispa (Marcos 12:30). Jehova Diosta kuyasqanchikmi sutilla kanan rimasqanchikpi chaynataq ruwasqanchikpipas. Imaynam pipas kuyanakuspan casarakun, chaynam Jehova Diosta kuyaqpas payllapaqña kawsakunanpaq tantiakuspan bautizakunan.
2. ¿Imakunawanmi Diosqa bautizakuqkunata bendicen?
Bautizakuspaykiqa kusisqam kawsakunki. Jehova Diosmi astawan kuyasunki hinaspa cuidasunki, imaña-haykaña kaptinpas manam saqisunkichu (leey Malaquias 3:16-18). Chaymantapas enteron allpa pachapi iñiqmasinchikkunapas aylluyki hinañam kanqa (leey Marcos 10:29, 30). Ichaqa bautizakunaykipaqqa Jehova Diostam allintaraq riqsinayki hinaspa kuyanayki, hinaspapas churin Jesucristopim iñinayki. Chaymantañataqmi Jehova Diosta mañakuspayki ninayki payllapaqña kawsakuy munasqaykita hinaspam bautizakunayki. Bautizakuspaykiqa wiñaypaqmi kusisqa kawsakunki. Bibliapim nin: “Bautizakuspaykichikmi salvasqa kachkankichik”, nispa (1 Pedro 3:21).
ASTAWAN YACHAYKUSUN
¿Imanasqam Jehova Diosllapaqña kawsakunapaq tantiakunayki hinaspa bautizakunayki? Chaymantayá yachaykusun.
3. Llapanchikmi tantiakunanchik Diosta servinapaq utaq mana servinapaqpas
Ñawpa tiempopim Israel llaqtayuqkuna Jehova Diosta yupaychachkaspankupas Baal taytachata yupaycharqaku. Chayna ruwasqanku mana allin kasqantam Diosqa Eliaswan willachirqa. Leeychik 1 Reyes 18:21 hinaspa qatiqninmanta rimariychik:
-
Israel llaqtayuqkunaqa, ¿imapaqmi tantiakunanku karqa?
Ñuqanchikpas paykuna hinam tantiakunanchik pita servinanchikpaq. Leeychik Lucas 16:13 hinaspa qatiqninmanta rimariychik:
-
¿Imanasqataq Jehova Diosllata servinanchikpaq tantiakunanchik?
-
¿Imapaq tantiakuptinchiktaq Jehova Diosqa yachanqa paylla serviy munasqanchikta?
4. Jehova Diosqa anchatam kuyasunki
Jehova Diosqa kuyawasqanchikraykum tukuyta quwanchik. Hinaptinqa, ¿imaynatam payta agradecekuchwan? VIDEOTA qawaykuychik.
¿Imaynatam yachanchik Jehova Dios ancha-anchata kuyawasqanchikta? Leeychik Salmos 104:14, 15 hinaspa 1 Juan 4:9, 10, chaymantañataq qatiqninmanta rimariychik:
-
Jehova Diospa tukuy quwasqanchikkunamanta, ¿mayqinmantataq astawan agradecekunki?
-
¿Jehova Diosta kuyankichu chayna kuyakuq kasqanrayku?
Pipas munasqanchikta quykuwaptinchikqa agradecekuspanchikmi imatapas paypaq ruwayta munanchik. Leeychik Deuteronomio 16:17 hinaspa qatiqninmanta rimariychik:
-
Jehova Dios tukuy ima qususqaykimanta ¿imata ruwaspaykitaq agradecekuwaq?
5. Diosllapaqña kawsakunaykipaq tantiakuptikiqa payqa bendecisunkim
Achka runakunam piensanku profesionniyuq kaspa, utaq achka qullqiyuq kaspa kusisqa kawsakunankumanta, ¿chaynachu kanman? VIDEOTA qawaykuychik hinaspa qatiqninmanta rimariychik:
-
Videopi qawasqanchik runa pelotawan pukllaspan apu kaspanpas, ¿imanasqataq pelotawan pukllayta saqirurqa?
-
Payqa Jehova Diosta servinanpaqmi tantiakururqa, ¿allinchu karqa chayna tantiakusqan? ¿Imanasqa?
Apostol Pablopas manaraq Jesuspa qatiqnin kachkaspanqa allin estudioyuq runam karqa. Allin riqsisqa runam paypa yachachiqninpas karqa. Chayna kachkaspanpas Pabloqa tukuy imatam saqirqa, ¿pesakurqachu tukuy ima saqisqanmanta? Leeychik Filipenses 3:8 hinaspa qatiqninmanta rimariychik:
-
¿Imanasqataq apostol Pabloqa nirqa tukuy ima saqisqankunaqa basura hina kasqanta?
-
Saqisqankunamantaqa ¿imataq aswan allin karqa?
-
Jehova Diosta servispaykiqa, ¿aswan allinraqchu kawsakunki? ¿Imanasqam chaynata ninki?
Apostol Pabloqa Jehova Diosta servispanmi aswan kusisqa kawsakurqa.
WAKIN RUNAKUNAM NINKU: “¿Manachus allinchu Diosllapaqña kawsakuyqa?”, nispanku.
-
¿Qamqa ima ninkitaq? ¿Allinchu Jehova Diosllapaqña kawsakuy?
YUYARIYKUSUN
Jehova Diosta kuyaspanchikmi payllapaqña kawsakunapaq tantiakuspa bautizakunchik.
¿Ima niwaqtaq?
-
¿Imanasqataq Jehova Diosllata tukuy sunqunchikwan kuyananchik hinaspa servinanchik?
-
¿Imakunawanmi Diosqa bautizakuqkunata bendicen?
-
¿Munawaqchu qampas Diosllapaqña kawsakuyta hinaspa bautizakuyta?
ASTAWAN YACHANAYKIPAQ
Diosllataña servinankupaq tantiasqanku ancha allin kasqantam iskay iñiqmasinchikkuna willawanchik, chaymanta videota qawaykuy.
Mozo-sipaskunapa tapukusqanku… ¿Imatataq ruwayta munani? Ñawpaq vidankutam yuyarinku (6:52)
¿Imataq yanapasunkiman Diosllapaqña kawsakunaykipaq hinaspa bautizakunaykipaq? Chaymanta kaypi leeykuy.
“¿Imanasqataq Jehová Diosman qokunanchik?” (Llaqta Cuidaq, 15 enero 2010)
Diosllapaqña kawsakunankupaq bautizakuqkunaqa kusisqam tarikunku. Chayta kay videopi qawaykuy.
¿Imanasqataq huk warmi tantiakururqa Jehova Diosllataña servinanpaq? Paymanta kaypi leeykuy.
“Bibliam imayna kawsasqanta cambiarqa” (Willakuq, noviembre 2012)
Kaykunatapas leeykuy
TAPUKUYKUNA
¿Imaynatam Jehova Diospa testigonkunaqa bibliamanta yachachinku?
Jehova Diospa testigonkunaqa runamasinchiktam yanapaniku bibliamanta sumaqta yachanankupaq. Munasqayki bibliawanmi estudiawaq hinaspapas invitawaqmi aylluykikunata chaynataq amistadnikikunatapas.
