53 YACHACHIKUY
Diospa munasqanman hinayá kusirikusun utaq distraekusun
Jehova Diosqa ‘kusisqalla kaq Diosmi’ (1 Timoteo 1:11). Payqa kusisqa kananchikta munasqanraykum imapas ruwayninchikmanta tiempota rakiykuspa samariykunanchikta munan. Chaymi kaypi yachasun imapas ruwasqanchikwan kusirikusqanchikqa Diospa munasqanman hina kananmanta.
1. ¿Imatam yuyarinanchik imawan kusirikuspapas?
Samarisqanchik horaqa wakiqninchikmi takikunata uyarinchik, televisionta qawanchik utaq librota leenchik. Wakiqninchikñataqmi amistadninchikkunawan puririkuq rinchik utaq imapipas pukllarikunchik. Ichaqa imawanña kusirikusqanchikpas ‘Diospa munasqanman hinam’ kanan (Efesios 5:10). ¿Imanasqataq chaymanta segurakunanchik? Runakunapa imawanpas kusirikusqanku Diospa mana munasqanman hina kasqanraykum. Runakunaqa maqanakuykunatam qawanku, huchapakuykunamantam rimanku hinaspapas demoniokunamanta cuentokunatam willanakunku (leey Salmos 11:5). Chaynaqa, ¿imaynatam yachachwan imakuna allin kasqanta utaq mana allin kasqanta?
Diosta kuyaqkunawan hukllawakuptinchikqa paykunam yanapawasun imata ruwaspapas Jehova Diosta kusichinapaq. Chaymi 48 yachachikuypi yachamusqanchikman hina ‘yachayniyuqkunawan hukllawakuqqa yachayniyuq kanqa, mana yuyayniyuq sonso runakunawan hukllawakuqmi ichaqa sasachakuypi kanqa’ (Proverbios 13:20).
2. ¿Imanasqataq distraekuyllamanñaqa mana qukurunanchikchu?
Imapi pukllasqanchikkuna Diospa munasqanman hina kaptinpas chayllamanña qukuruptinchikqa manañam tiempo haypawasunchu Jehova Diospa kaqkunata ruwanapaq. Chaymi bibliapi niwanchik ‘tiemponchikta ama usuchinapaq’ (leey Efesios 5:15, 16).
ASTAWAN YACHAYKUSUN
Yachaykusun imakunapi kusirikunapaq allinta tantiakunamanta.
3. ¿Imakunawan kusirikuytaq mana allinchu kanman?
¿Imanasqam yachananchik imam allin utaq mana allin kasqanta? VIDEOTA qawaykuychik hinaspa qatiqninmanta rimariychik:
-
¿Imapi distraekuytaq kanman ñawpaq tiempopi Roma nacionpi wañuchinakuykuna hina?
-
Videopi qawasqanchik warmaqa, ¿imamantam cuentata qukururqa?
Leeychik Romanos 12:9 hinaspa qatiqninmanta rimariychik:
-
¿Imanasqataq allinta akllakunanchik imatapas ruwanapaq tiemponchik kaptinqa?
¿Imakuna ruwananchiktam utaq qawananchiktam Jehova Diosqa mana munanchu? Leeychik Proverbios 6:16, 17 hinaspa Galatas 5:19-21. Chaymantañataq qatiqninmanta rimariychik:
-
Bibliapi leesqanchikman hinaqa, ¿imakunawan kusirikunanchiktataq Jehova Diosqa mana munanchu?
¿Imaynatam yachachwan kusirikunapaq akllakusqanchik allin utaq mana allin kasqanta?
Piensariy:
-
¿Imamantataq kanqa? ¿Jehova Diospa chiqnisqankunachu?
-
¿Imay horataq kanqa? ¿Diospaq imapas ruwayninchikkunawanchu tuparun?
-
¿Pikunawantaq kanqa? ¿Diosta mana yupaychaq runakunawanchu astawan hukllawakusaq?
Qaqamantaqa karunchakunanchikmi wichiykuspa mana wañurunapaq. Chaynataqmi Diospa chiqnisqan pukllaykunamantawan qawaykunamantapas karunchakunanchik.
4. Tiemponchiktaqa amayá usuchisunchu
VIDEOTA qawaykuychik hinaspa qatiqninmanta rimariychik:
-
Videopi qawasqanchik iñiqmasinchikqa, ¿imamantaq llumpayta qukuchkarqa? ¿Imanasqataq chayqa mana allinchu karqa?
Leeychik Filipenses 1:10 hinaspa qatiqninmanta rimariychik:
-
Leesqanchikqa, ¿imaynatataq yanapawanchik tiemponchikta mana usuchinapaq?
5. Allin kaqkunallawan kusirikusun
Jehova Diosqa manam harkakunchu samasqanchik hora allin kaqkunapi distraekunanchiktaqa. Chaywanpas manam distraekunanchikchu chiqnisqan kaqkunawanqa. Leeychik Eclesiastes 8:15 hinaspa Filipenses 4:8 hinaspa qatiqninmanta rimariychik:
-
¿Imakunapi distraekuytaq gustasunki?
Allin kaqkunata ruwaspayá kusikusun.
WAKIN RUNAKUNAM NINKU: “Manam imananchu maqanakuymanta, demoniokunamanta hinaspa huchapakuymanta rimayqa utaq chaykunata qawayqa. Manaqa allinchu kanman chaykunata ruwaymi”, nispanku.
-
¿Ima niwaqtaq qamqa?
YUYARIYKUSUN
Jehova Diosqa munan allin kaqkunallapi distraekuspa hawka kawsakunanchiktam.
¿Ima niwaqtaq?
-
¿Imakunapi distraekuytaq mana allinchu kanman?
-
¿Imanasqataq pukllaykunallamanqa mana qukurunanchikchu?
-
¿Imanasqataq imapipas distraekunaykipaqqa allinta akllakunayki?
ASTAWAN YACHANAYKIPAQ
Sapakamam allinta akllakunanchik ima takita uyarinapaqpas utaq imata qawanapaqpas. Chaymanta kaypi yachaykuy.
Kaypi leeykuy imapi pukllanapaq utaq imata qawanapaq imayna akllakunamanta.
“¿Allinchu kusirikuyninchikkuna?” (Llaqta Cuidaq, 15 octubre 2011)
Mana allinkunawan distraekusqanta huk runa imanasqa saqisqanmanta yachaykuy “Chiqnikuq kaytam saqirqani” niqpi.
“Bibliam imayna kawsasqanta cambiarqa” (Willakuq, febrero 2010)
Demoniokunamanta rimaq peliculakuna qawayta huk warmi imanasqa saqisqanmanta videopi qawaykuy.
Kaykunatapas leeykuy
TAPUKUYKUNA
¿Imaynatam Jehova Diospa testigonkunaqa bibliamanta yachachinku?
Jehova Diospa testigonkunaqa runamasinchiktam yanapaniku bibliamanta sumaqta yachanankupaq. Munasqayki bibliawanmi estudiawaq hinaspapas invitawaqmi aylluykikunata chaynataq amistadnikikunatapas.
