¿Imaynatam estudiachwan kay libropi yachachikuyninkunata?
Manaraq kay librowan yachayta qallaykuchkaspayki puntata leeykuy kaypi willakuykunata. Chaymantañataq VIDEOTA qaway.
QALLARIYPI
Yachachisuqnikiwan manaraq estudiachkaspayki sapa yachachikuypa qallariyninpi parrafokunata lliwta leey. Kachkanmi tapukuykuna (A) hinaspa yana letrachawan textokunapas (B), chaykunaqa chay yachachikuymanta yuyarinapaqmi yanapasunki. “Leey” nisqa textokunataqa leenaykim.
CHAWPI KAQPI
“Astawan yachaykusun” niqpa qallariyninpim nin imakunamanta chay yachachikuypi yachanapaq (C). Numeroyuq qillu letrawan kaqkunam niwanchik imamanta yachananchikpaq (D). Yachachiqnikiwan leeychik bibliapi textokunata, rimariychik qatiqninpi tapukuykunamanta, qawaykuychiktaq videokunatapas.
VIDEOKUNA. Kay videokunaqa yanapawasunmi yachachikuyta allinta entiendenapaq. Wakin videokunaqa iñiqmasinchikkunapa willakusqanmi. Wakin videokunañataqmi yuyaymanachiwasun ima sasachakuypi kaspapas imaynata atipanapaq.
Dibujokunamantapas rimariychik hinaspa urachanpi utaq waqtachanpi nisqantapas leeychik (E). Rimariychiktaq “Wakin runakunam ninku” niqmantapas (F).
TUKUYNINPI
Tukuyninpiñataqmi kachkan “Yuyariykusun” chaynataq “¿Ima niwaqtaq?” niqpas (G). Kachkanmi ima punchawpi tukusqaykita qillqanaykipaqpas. “Kaypaq kallpanchakuy” niqpim nichkan imapi kallpanchakunaykipaq (H). “Astawan yachanaykipaq” niqpiñataqmi kachkan qawanaykipaq videokuna hinaspa qillqakunapas (I).
Yachachikuykunata tarinapaq
|
|
|
|
Imaynatam bibliapi maskana
Bibliapiqa 66 librokunam kachkan. Iskayman rakinasqam kachkan, hukninmi Hebreo rimaypi Diospa palabran utaq ñawpaq testamento, hukninñataq Griego rimaypi Diospa palabran utaq musuq testamento.
Puntata maskay libropa sutinta (A), chaymantañataq capitulonta (hatun numeronta) (B) hinaspañataq versiculonta (uchuy numerochanta) (C).
Juan 17:3 nispanqa nichkanmi “Juan libropi 17 capitulota hinaspa 3 versiculota” maskanapaq.
Kaykunatapas leeykuy
TAPUKUYKUNA
¿Imaynatam Jehova Diospa testigonkunaqa bibliamanta yachachinku?
Jehova Diospa testigonkunaqa runamasinchiktam yanapaniku bibliamanta sumaqta yachanankupaq. Munasqayki bibliawanmi estudiawaq hinaspapas invitawaqmi aylluykikunata chaynataq amistadnikikunatapas.
