Manaraq wañuchkaspanmi kay tiempopi imakuna pasananmanta rimaspan Jesucristoqa sapallankupi apostolnin Pedroman, Santiagoman, Juanman hinaspa Andresman nirqa: ‘[Pitaq] allin yuyayniyoq confianza sirvienteqa, paytam wasinpi patronnin churarqa sirvientemasinkunata imam horapi mikuchinanpaq’, nispa (Mateo 24: 3, 45; Marcos 13:3, 4). Chayna nisqanwanmi Jesusqa ‘patron’ hina sapaqchanan karqa Diospa Palabranmanta qatiqninkunaman tiempollanpi yachachinankupaq. ¿Pikunamantam rimachkarqa?

Diospa chuya espiritunpa sapaqchasqan aslla cristianokunam. Chay ‘confianza sirvientem’ Diospa Llaqtanpi Punta Apaqkuna, paykunam tiempollanpi Jehová Diosta yupaychaqmasinkunaman yachachin. Paykunam ‘mikuchichkaq’ hina tiempollanpi Diospa Palabranmanta yachachiwaspanchik kallpanchawanchik (Lucas 12:42).

Jehová Diospa kapuqninkunamantam cuentallikunku (1 Timoteo 3:15). Chay sapaqchasqa qatiqninkunapim Jesusqa confiarqa Jehová Diospa llaqtanpi kapuqninkunamanta cuentallikunankupaq, Diosmanta willakuypi diriginankupaq hinaspa congregacionnintakama yachachiwananchikpaq. Chaymi allin yuyayniyoq sirvienteqa mikuchichkaq hina Diosmanta yachanapaq necesitasqanchikkunata qowanchik predicananchikpaq qellqakunapi, huñunakuykunapi chaynataq asambleakunapipas.

Confianzapaq sirvientem kanku Diospa Palabranpa nisqanman hina yachachisqankurayku chaynataq allin noticiamanta willakunankupaq kallpanchakusqankurayku, allin yuyayniyoqtaqmi kanku Cristopa kapuqninkunamanta kay Pachapi allinta cuentallikusqankurayku (Hechos 10:42). Paykunatam Jehová Dios bendecichkan achka testigokuna yapakusqankuwan chaynataq Palabranmanta achka yachachikuykunawanpas (Isaias 60:22; 65:13).

• ¿Pikunatam Jesusqa valekurqa qatiqninkunaman yachachinanpaq?

• ¿Imaynanpim ‘sirvienteqa’ allin yuyayniyoq hinaspa confianzapaq kanku?