3 KAQ RAKIYNINPI IMAKUNA YACHANANCHIKMANTA
Galilea lawpi Jesuspa willakusqan
Jesusmi kaynata willakuyta qallarirqa: ‘Hanaq pacha Diospa munaychakuyninmi hichparamunña’, nispa (Mateo 4:17).
KAYPI
20 KAQ YACHACHIKUY
Cana llaqtapim kaqmanta milagrota ruwarqa
Jesusmi Herodes Antipaspaq llamkaq runapa churinta karullamantaraq sanoyarachirqa.
21 KAQ YACHACHIKUY
Jesusmi Nazaret llaqtanman kutirqa
¿Jesuspa ima nisqanwantaq Nazaretpi runakunaqa Jesusta wañurachiyta munarqaku?
22 KAQ YACHACHIKUY
Jesuspa tawa qatiqninkunam runata challwaqkuna hinaña karqaku
Jesusqa qatiqninkunatam nirqa amaña challwata hapispa runakunataña challwanankupaq.
23 KAQ YACHACHIKUY
Capernaum llaqtapi Jesuspa milagrokuna ruwasqan
Demoniota qarquruspanmi Jesusqa runakunata nirqa Diospa churin kasqanmantaqa ama pimanpas willakunankupaq, ¿imanasqa?
24 KAQ YACHACHIKUY
Tukuy Galilea lawpim Jesusqa Diosmanta willakurqa
Runakunam Jesusman asuykurqaku sanoyachisqa kanankupaq, ichaqa Jesusmi paykunata nirqa imarayku kay allpa pachaman hamusqanmanta.
25 KAQ YACHACHIKUY
Jesusmi leprawan unquq runata hampiykurqa
Jesusqa sutillatam qawachirqa sunqumanta llakipayakuq kasqanta, chaytaqa ruwarqam imaymana unquyniyuqkunata hampispan.
26 KAQ YACHACHIKUY
“Huchaykikunaqa pampachasqañam”
Jesusqa suchu runata ima nisqanwanmi qawachirqa huchasapa kasqanchikrayku unqusqanchikta.
27 KAQ YACHACHIKUY
Mateom Jesuspa qatiqninña rikurirurqa
¿Imanasqataq Jesusqa mikurqa huchapakuqllaña runakunawan?
28 KAQ YACHACHIKUY
¿Imanasqataq Jesuspa qatiqninkunaqa mana ayunaqkuchu?
Juanpa qatiqninkunaqa Jesusta ayunomanta tapuptinkum odrekunamanta rikchanachiywan Jesusqa yachachirqa.
29 KAQ YACHACHIKUY
Jesusqa sabado punchawpim huk runata hampirurqa
Jesustam judio runakuna qatikacharqaku 38 wataña unquq runata hampirusqanrayku. ¿Imanasqa?
30 KAQ YACHACHIKUY
Jesusqa Jehova Diospa churin kasqantam willakurqa
Judiokunaqa niqkum Jesusqa Dios tukusqanta, Jesusmi ichaqa sumaqta qawachirqa taytan pimantapas aswan atiyniyuq kasqanta.
31 KAQ YACHACHIKUY
Sabado punchawmi trigopa espiganta rachurqaku
¿Imanasqataq Jesusqa nirqa ‘sabado punchawpi munaychakuq’ kasqanmanta?
32 KAQ YACHACHIKUY
¿Allinchu kanman pitapas sabado punchawpi hampiy?
Saduceokunawan fariseokunaqa chiqninakuqkum, chaywanpas Jesusta wañuchiyta munasqankuraykum llapanku hukllaña karqaku.
33 KAQ YACHACHIKUY
Isaiaspa willakusqanman hinam Jesusqa ruwarqa
¿Imanasqataq Jesusqa hampisqan runakunata nirqa pim kasqanmanta hinaspa tukuy ruwasqanmanta pimanpas ama willakunankupaq?
34 KAQ YACHACHIKUY
Jesusmi 12 apostolninkunata akllarqa
¿Apostolkunapas Jesuspa qatiqninkunallachu kanku?
35 KAQ YACHACHIKUY
Jesuspa ancha riqsisqa yachachikuynin
Jesuspa ancha riqsisqa yachachikuyninmanta pisillapi willarimuy.
36 KAQ YACHACHIKUY
Soldadokunata kamachiqmi allin iñiyniyuq karqa
¿Imata ruwaspam soldadokunata kamachiqqa Jesusta kusirachirqa?
37 KAQ YACHACHIKUY
Jesusmi viuda warmipa wawanta kawsarirachirqa
Diospa atiyninwan Jesuspa ruwasqankunata qawaqkunaqa mana qunqarunankupaq hina kasqanmantam musyakurqaku.
38 KAQ YACHACHIKUY
¿Imamanta yachaytam Juanqa munachkarqa?
¿Imanasqataq bautizaq Juanqa Jesusta tapurqa Diospa akllasqan kasqanmanta?¿Iskayrayasqanraykuchu?
39 KAQ YACHACHIKUY
Jesusmi tiemponpi runakunata qaqcharqa
Jesusmi nirqa juicio punchawpiqa Sodoma hinaspa Gomorra llaqtakunaraq Capernaum llaqtamantaqa aswan llakipayasqa kananmanta.
40 KAQ YACHACHIKUY
Huchasapa warmi pampachasqa kasqanmanta
Jesusmi huchasapa warmita pampachaykurqa, chay warmiqa yaqapaschá huchapakunanpaq cuerponta rantikuq karqa. ¿Chaywanqa nichkarqachu Jesusqa Diospa kamachikuyninkunata mana kasukuyqa allinlla kasqanta?
41 KAQ YACHACHIKUY
¿Pipa atiyninwantaq Jesusqa imakunatapas ruwarqa?
Jesuspa wawqi-paninkunam piensarqaku Jesus locoyarusqanta.
42 KAQ YACHACHIKUY
Jesusmi fariseo runakunata qaqcharqa
¿Imaynatam Jonaspa ruwasqanqa Jesuswan tuparqa?
43 KAQ YACHACHIKUY
Diospa munaychakuyninmantam yachachirqa
Jesusqa pusaq rikchanachiykunawanmi Diospa munaychakuyninmanta yachachirqa.
44 KAQ YACHACHIKUY
Jesusmi lamar quchata hawkayachirqa
Wayratawan lamar quchata Jesus hawkayarachispanmi qawachirqa kay pachata kamachimuptinqa nisyu-nisyu wayraqa, llumpa-llumpay paraqa nitaq ima sasachakuypas manaña kananmanta.
46 KAQ YACHACHIKUY
Hemorragiawan unquq warmim hampisqa karqa
Jesusmi qawachirqa ancha kuyakuq hinaspa llakipayakuq kasqanta.
47 KAQ YACHACHIKUY
Huk sipascham kawsarirurqa
Jesusqa wañuruq sipaschamanta nirqa: “Sipaschaqa puñuyllam-puñuchkan” nispa, hinaptinmi runakunaqa asikurqaku. Ichaqa, ¿imamantam Jesusqa yachachiyta munarqa?
48 KAQ YACHACHIKUY
Milagrokunata ruwaptinpas Nazaretpiqa kaqmantam qipancharurqaku
¿Imanasqataq Nazaretpi runakunaqa hinalla Jesusta qipancharurqaku?
49 KAQ YACHACHIKUY
Galileapim Diosmanta willakurqa hinaspa apostolkunatapas willakunankupaq yachachirqa
¿Ima niytam Jesusqa munachkarqa “Diospa munaychakuyninmi hichparamunña” nispanqa?
50 KAQ YACHACHIKUY
Ñakarispapas Diosmantaqa willakunankum karqa
Jesuspa apostolninkunaqa manam wañuytapas manchakunankuchu karqa. Hinaptinqa, ¿imanasqataq Jesusqa apostolninkunata nirqa qatikachasqa kaspankuqa huk law llaqtachamanña ayqikunankupaq?
51 KAQ YACHACHIKUY
Herodesmi santonpi bautizaq Juanta wañurachirqa
Salomeypa tususqanwanmi Herodesqa anchata kusirikurqa chaymi nirqa munasqanta mañakunanpaq. ¿Imatam Salomeyqa mañakurqa?
52 KAQ YACHACHIKUY
Achkallay-achka runakunamanmi mikuchirqa
Diospa atiyninwan Jesuspa ruwasqankunaqa ancha allinmi Jesusmanta willakuq tawa qillqakunapi willakuykunamantapas.
53 KAQ YACHACHIKUY
Wayrapas hinaspa lamar quchapas Jesuspa makillanpim karqa
¿Imatam Jesuspa apostolninkuna yacharurqaku lamar quchapa hawanta purispan wayrata Jesus hawkayarachiptin?
54 KAQ YACHACHIKUY
Jesusqa ‘kawsay qukuq tantam’
¿Imanasqataq Jesusqa runakunata qaqcharurqa payrayku tukuyta saqispa chaypi kachkaptinkupas?
55 KAQ YACHACHIKUY
Jesuspa rimasqanwanmi hukmanyarurqaku
Jesuspa rimasqanwanmi achka qatiqninkuna hukmanyarurqaku, hinaspam qipancharurqaku.
57 KAQ YACHACHIKUY
Warmi warmachatawan mana uyariq runatam hampirqa
¿Imanasqataq huk warmi mana piñakurqachu nacionninpi runakunata allquchakunawan tupachiptin?
58 KAQ YACHACHIKUY
Tantatam achkayachirqa, hinaspam levaduramanta cuidakunankupaq nirqa
Qatiqninkunaqa musyarurqakum ima “levaduramanta” Jesus rimasqanta.
59 KAQ YACHACHIKUY
¿Pitaq runapa churinqa?
¿Imataq Diospa munaychakuyninpa llavenkunaqa? ¿Pitaq servichikun hinaspa imaynata?
60 KAQ YACHACHIKUY
Musquypi hinam Jesuspa rikchaynin tikrakururqa
¿Imanasqataq musquypi hina Jesuspa rikchaynin tikrakusqanta rikurqaku? ¿Imaraykutaq chayqa qawakurqa?
61 KAQ YACHACHIKUY
Jesusmi huk warmamanta demoniota qarqurqa
Jesusmi nirqa pisi iñiyniyuq kasqankurayku mana hampiy atisqankumanta. ¿Warmachu, taytanchu icha Jesuspa qatiqninkunachu pisi iñiyniyuq karqaku?
62 KAQ YACHACHIKUY
Mana hatun tukuq kaymanta yachachisqan
Yuyayniyuq runakunam yacharurqaku warmachawan rikchanachispan Jesuspa yachachisqanmanta.
63 KAQ YACHACHIKUY
Ancha allin yachachikuykunamantam rimarqa
Iñiqmasinchikkunawan piñanakuruspaqa yuyarinanchikmi Jesuspa yachachisqanta, payqa kimsa kaqkunata ruwanapaqmi yachachirqa.
64 KAQ YACHACHIKUY
Pampachanakuyqa ancha allinmi
Jesusmi willakurqa mana llakipayakuq sirvientemanta. Jehova Diospaqqa ancha allinmi pampachakuykuq kayqa, ichaqa manam chaytachu chay sirvienteqa qawachirqa.
65 KAQ YACHACHIKUY
Jesusqa Jerusalenman risqanpipas yachachirqam
Kimsan kutipim Jesusqa nirqa pi runatapas imakuna sasachasqanmanta hinaspa tukuy chaykuna qatiqnin kanankuta harkasqanmanta.
