¿Haykapipas yuyarinkichu pasaq watakunapi Jehova Diospa serviqninkunawan kusisqa tarikusqaykimanta? Ichapas huk kaqnin huñunakuykunapi kaspayki, Diosmanta willakuspayki utaq pi iñiqmasinchikwan rimaspayki. Chaykunapi yuyaymanaspaykiqa qawachichkankim Jehova Diosta yuyarisqaykita. Paypas manam qunqasunkichu, kuyakuywanmi paypaq tukuy ima ruwasqaykita yuyarichkan. Chayraykum llaqtanman kutimunaykipaq yanapayta munasuchkanki.

Kikin Jehova Diosmi nin: ‘Kikiypuniñam ovejaykunata maskamuspay nanachikusaq. Imaynam huk michiq ovejankunawan nanachikun, chaynam ñuqapas ovejaykunata nanachikusaq, paykunatam libraykusaq tukuy hinastinpi chiqisqa kasqankumanta. Paykunaqariki chiqisqam karqaku’, nispa (Ezequiel 34:11, 12).