Sunqunkupi imayna kasqankuta musyakunankupaqmi yanapana. Chaypaqqa allinmi kanman tapukuykunata ruwayninchik.

Imanasqa imatapas ruwasqankutam qawachina. Uyariwaqninchikkunata yuyaymanachisun imanasqa allin kaqkunata ruwasqankupi. Uyariwaqninchikkunatam yanapananchik: Jehova Diosta, runamasinkuta hinaspa bibliapa yachachikuyninkunata kuyasqankurayku kasukunankupaq. Sumaqllata yachachisun, ama tukuy imamantaqa yachachisunchu. Yachachiyta tukuruptinchikqa, uyariqninchikkunaqa manam pinqachisqa hinachu qipananku aswanqa kallpanchasqam.

Jehova Diosmi hatunchasqa kanan. Sutillatam qawachina bibliapi yachachikuykunaqa hinaspa kamachikuykunaqa, Diosta riqsinapaq chaynataq Dios kuyawasqanchikta yachanapaq kasqanta. Uyariwaqninchikta yanapasun Diosta sunqumanta kasukuyta munanankupaq.