“Diospa llapallan qillqanqa paypa yuyay qusqanwan qillqasqam kachkan” (2 Timoteo 3:16).

¿Imanasqataq bibliaqa mana wakin qillqakuna hinachu?

Bibliaqa 2.800 rimaykunapim kachkan hinaspapas wara-waranqantinmi ruwasqa kachkan.

Bibliapi yachachikuykuna hinaqa manam huk qillqakunapiqa tarikunchu.

• 1 Tesalonicenses 2:13

  Bibliaqa Diospa qillqachisqanmi.

• 2 Pedro 1:21

  Diosmi wakin runakunata akllarqa nisqankunata bibliapi qillqanankupaq.

“Mana llullakuq Diosmi” (Tito 1:2).

¿Imanasqataq bibliapa nisqanmanta mana iskayrayanaykichu?

• Isaias 44:27–45:2

  Bibliaqa achka watakuna ñawpaqmantaraqmi willakurqaña Babilonia nacion imayna puchukachisqa kananmanta.

• 2 Timoteo 3:1-5

  Kunanpas sutillatam qawachkanchik imakuna kananmanta bibliapa willakusqantaqa.

• Numeros 23:19

  Manam iskayrayananchikchu hamuq punchawkunapi imakuna kananmanta bibliapa willakusqanmantaqa.

‘Yupaychasqayki [Jehova] Diosmi ñuqaqa kani. Allinnikipaq yachachiqnikim kani’ (Isaias 48:17).

¿Imatam bibliamanta yacharunki?

• Job 26:7; Isaias 40:22

  Bibliapa willakusqanqa tupanmi yachaysapa runakunapa nisqankuwan.

• Numeros 20:2-12

  Bibliata qillqaqkunaqa imam kaqtam qillqarqaku.

• Mateo 5-7 capitulokama

  Jesusmi yachachiwarqanchik: imata ruwaspa kusisqa kawsakunanchikmanta, hukkunawan allinlla kawsakunamanta, imaynata Diosta mañakunanchikmanta chaynataq qullqillaman qukuruy mana allin kasqanmantapas.

“Diospa palabranqa kawsachkanmi hinaspa atiyniyuqmi” (Hebreos 4:12).

¿Imaynatam Diospa palabran yanapasunkiman?

• Yanapasunkim Diospa ima ruway munasqanmanta yachanaykipaq.

• Yanapasunkim imayna kasqaykita qawakunaykipaq.

• Yanapasunkim qanmanta Dios ima munasqanta yachanaykipaq.

Diosqa munanmi bibliata ñawinchanaykita, allinta yachanaykita hinaspa kuyanaykita.