‘Allin ruwaq runakunam allpataqa dueñoyanqaku. Paykunaqa chaypimiki wiñaypaqraq kawsakunqaku’ (Salmo 37:29).

¿Imatam Dios munan lliw runakunapaq?

• Genesis 1:28

  Diosqa munarqam runakuna enteron allpa pachata huertayachinankuta chaynataq animalkunamantapas nanachikunankuta.

• Isaias 46:9-11; 55:11

  Diosqa chay munasqantam ruwanqapuni, manam pipas harkanqachu.

“Diosta mana yupaychaq runakunam [...] satanaspa munaychakusqan kachkanku” (1 Juan 5:19).

¿Pitaq kay allpa pachata kamachichkan?

• Juan 12:31

  Jesusmi nirqa kay allpa pachata satanas kamachisqanmanta.

• Santiago 1:13-15

  Satanasqa mana paypa kaqtam munapayarurqa.

• Genesis 2:17; 3:1-6

  Satanasmi Adantawan Evata pantarachirqa, hinaspam Diosta mana kasukusqankurayku wañurqaku.

• Romanos 3:23; 5:12

  Adanpa mirayninkuna kasqanchikraykum huchayuq kanchik hinaspa wañunchik.

• 2 Corintios 4:3, 4

  Satanasmi runakunata pantachichkan.

“Munaychakuynikiyá hamuchun. Munasqaykiyá ruwasqa kachun kay pachapipas” (Mateo 6:10).

¿Imatam Jehova Diosqa ruwanqa tukuy imata allichananpaq?

• Daniel 2:44

  Lliw gobiernokunata chinkarachispanmi Jehova Diosña kamachinqa.

• Apocalipsis 16:14-16

  Diosmi piñakuynin punchawpi lliw mana allin runakunata chinkachinqa.

• Isaias 9:6, 7

  Jehova Diosmi churin Jesusta akllarun hanaq pachamanta kay allpa pachata kamachimunanpaq.

“Makillaykita kicharispam llapallan kawsaqkunata saksaykachinki. Qamqa munasqankuwanmi llapallan kawsaqkunata saksaykachinki” (Salmo 145:16).

Jesus kamachimuspanqa, ¿imakunatam ñuqanchikpaq ruwanqa?

• Salmo 46:9

  Wañuchinakuytawan maqanakuytam chinkachinqa.

• Isaias 32:18; 65:21-24

  Kay pacha sumaq huertayachisqa kaptinqa hawkañam kawsakusunchik, wasinchikpas kuyayllapaq suma-sumaq huertayuqmi kanqa.

• Salmo 72:16

  Mikuymantapas manañam ususunchu.

• Isaias 11:6-9

  Purun uywakunawanpas hawkañam kawsakusun.

• Isaias 33:24; Hechos 24:15

  Manañam pipas unqunqañachu, wañuqkunapas kawsarimunqakum.