‘Runapa churinqa [...] hamurqa vidanta quspan achka runakunata librananpaqmi’ (Mateo 20:28).

¿Imanasqam Jesusqa ñuqanchikrayku wañunan karqa?

• Genesis 3:17-19

  Mana kasukuspanmi Adanqa Jehova Diosta qipancharurqa, huchasapaña rikurirurqa hinaspa Eden huertamanta qarqurachikurqa.

• Romanos 5:12

  Adan huchallikusqanraykum, huchayuqña kanchik hinaspa wañunchik.

• Efesios 1:7

  Churinpa yawarninwanmi Jehova Diosqa huchamantawan wañuymanta librawarqanchik.

“Diosninchikmi sapallan churinta kay pachaman kachamurqa churinrayku kawsakuyniyuq kananchikpaq” (1 Juan 4:9).

¿Imatam Jehova Diosqa ruwarqa huchamanta librawananchikpaq?

• Salmo 49:7, 8

  Manam mayqanninchikpas huchamantawan wañuymanta librakuytaqa atichwanchu.

• Lucas 1:35

  Jehova Diosmi kuyasqan churinta kay pachaman kachamurqa mana huchayuq nacenanpaq.

• Romanos 3:23, 24; Hebreos 9:24

  Kawsarisqan qipatam Jesusqa hanaq pachaman kutirqa hinaspam taytanta nirqa runakunata yawarninwan rantisqanmanta.

“Diosmi llapa runakunapa wiqinta pichanqa, manañam kanqachu wañuypas” (Apocalipsis 21:4).

¿Imaynatam yanapawanchik Jesuspa wañukusqanqa?

• 1 Juan 1:8, 9

  Huchanchikmanta pampachasqa kanapaqmi..

• Hebreos 9:13, 14

  Diospa qayllanpi allin concienciayuq kanapaqmi.

• Romanos 6:23

  Wiñaypaq kawsanapaqmi.

• Galatas 2:20

  Jehova Dioswan Jesusqa kuyawanchikmi, chaymi Jesusqa ñuqanchikrayku wañurqa.

‘Diosqa [...] sapallan churintam qumurqa haykam paypi iñiqqa [...] wiñay kawsayniyuq kanankupaq’ (Juan 3:16).

¿Imaynatam Diosta agradecekuchwan Jesuspa wañukusqanmanta?

• Juan 17:3

  Jehova Diostawan Jesusta riqsispam hinaspa paykunata qatipakuspam.

• Lucas 22:19

  Jesuspa wañukusqanta yuyarinapaq huñunakuyman sapa wata rispam.

• Juan 3:36; Santiago 2:26

  Amayá niychu Jesuspi iñisqallaykitaqa, aswanqa yachachisqanta kasukuy.