19. Kallpanchakuy hinalla Diospa amistadnin kanaykipaq
1 JEHOVA DIOSQA KUYASUNKIM
“Diosqa ancha-anchatam runakunata kuyarqa chaymi sapallan churinta qumurqa haykam paypi iñiqqa mana wañuchisqa kanankupaq, aswanqa wiñay kawsayniyuq kanankupaq” (Juan 3:16).
¿Imaynatam Dios kuyawasqanchikta yachanchik?
-
Jehova Diosqa amparakuna wasi hinam. Payqa imapas sasachakuynikipim yanapasunki.
-
Diosmi niwanchik hamuq punchawkunapi sumaq kawsakuy kananmanta.
-
Diosmi wiñay kawsayta quwasunchik sumaq huertapi, chaypiqa hawka, kusisqa hinaspa mana unquqñam kawsakusunchik.
2 JEHOVA DIOSQA PAYTA KUYANAYKITAM MUNAN
“Jehova Diosnikitam kuyanayki tukuy sunquykiwan, tukuy vidaykiwan hinaspa tukuy yuyaynikiwan” (Mateo 22:37).
¿Imakuna ruwaytam munanki Diosta kuyasqaykirayku?
-
Jehova Diosta agradecekuy qampaq tukuy ima ruwasqanmanta.
-
Kuyasqaykita qawachiy paypa munasqanta sapa punchaw ruwaspayki.
-
Kamachikuyninkunata kasukuy.
-
Kallpanchakuy hukkunapaq allin kaqkunata ruwanaykipaq.
3 DIOSTA ASTAWAN KUYANANCHIKPAQMI KALLPANCHAKUNANCHIK
‘Diosninchikqa hinallam kuyasunki’ (Judas 21).
¿Imataq yanapasunkiman hinalla Jehova Diospa amistadnin kanaykipaq?
-
Sapa kuti Diosta mañakuy.
Mateo 28:19, 20; 2 Timoteo 4:2
Kallpanchakuy Diosmanta willakunaykipaq.
-
Jehova Diosmanta hinalla yachay.
-
Huñunakuyman riyta ama saqiychu. Chaypim Jehova Dioswan allin amistad kanaykipaq iñiqmasinchikkuna yanapasunki.