‘Nisqaykunata kasukuptikichikqa ñuqam Diosnikichik kasaq, qamkunañataqmi llaqtay kankichik’ (Jeremias 7:23, Chulla Qellqa 2012).

¿Atichwanchu Diospa amistadnin kayta?

• Genesis 22:18; Santiago 2:23

  Abrahanmi Jehova Diospa amistadnin kayta atirqa, kasukuq hinaspa iñiyniyuq kasqanrayku.

• 2 Cronicas 16:9

  Jehova Diosqa yanapanmi kasukuqninkunataqa.

• Salmo 25:14; 32:8

  Jehova Diosqa amistadninkunamanmi yachayta qun, yanapantaqmi allin tanteaq kanankupaqpas.

• Salmo 55:22

  Jehova Diosqa manam saqinchu amistadninkunataqa.

“Tukuy chaykunawanpas Jobqa manam huchallikurqachu, manataqmi chaykunamantaqa Diospa contranpiqa imatapas rimarqachu” (Job 1:22, CQ12).

¿Imaynatam satanasqa Jobta ñakarichirqa? ¿Imatam Jobqa ruwarqa?

• Job 1:10, 11

  Satanasqa nirqam Jobqa kikillanpaq munaq kasqanrayku Diosta mana kuyasqanta.

• Job 1:12-19; 2:7

  Jobpa tukuy imanta satanas qichurunantam Jehova Diosqa saqirqa. Chaymantapas satanasqa millakuypaq unquywanmi ñakarichirqa.

• Job 27:5

  Jobqa llumpay sasachakuypi kasqanta mana yachaspanpas, hinallam Diosman sunqu karqa.

‘Vidanraykum runaqa, tukuy ima kapuqnintapas qunman’ (Job 2:4).

¿Imaynatam satanasqa Jehova Dioswan amistadninchikta yanqacharunman?

• 2 Corintios 11:14

  Satanasqa tukuywanmi intuwanchik Jehova Diosta mana kasukunapaq.

• Proverbios 24:10

  Satanasqa Jehova Diosta mana yupaychay atisqanchikta piensananchiktam munan.

• 1 Pedro 5:8

  Satanasqa ñakarichiwanchikmi.

• Proverbios 27:11

  Jehova Diosta kasukuspayá payman sunqu kay. Chayta ruwaspam qawachinki satanas llulla kasqanta.

“Diosta kuyayqa, kamachikuyninkunata kasukuymi” (1 Juan 5:3).

¿Imatam ruwanayki Jehova Diospa amistadnin kanaykipaq?

• Deuteronomio 6:5

  Diostam kuyanayki. Kaymi yanapasunki kasukunaykipaq.

• Isaias 48:17, 18

  Jehova Diosta kasukuy. Chayta ruwaspaqa manam sasachakunkichu.

• Deuteronomio 30:11-14

  Jehova Diosqa manam haykapipas mañawasunchu mana ruway atisqanchiktaqa.

• Filipenses 4:13

  Allinta imatapas ruwaptikiqa, Jehova Diosmi yanapasunki.