“¡Kayqaya yakuqa! ¿Imaraqtaq faltawan bautizakunaypaq?” (Hechos 8:36).

¿Imanasqa hinaspa imaynatam bautizakunanchik?

Bautizakuspaqa mana allin ruwasqanchikkunata saqisqanchiktañam qawachinchik hinaspam Diospa munayninta ruwanapaqña kawsanchik.

• Mateo 28:19, 20

  Jehova Diospa munayninta ruwanapaqmi bautizakunchik.

• Salmo 40:8

  Bautizakuspaqa hukkunamanmi qawachinchik Diospa munaynin ruwayta munasqanchikta.

• Mateo 3:16

  Pipas bautizakuspanqa, Jesus hinam enteron cuerponta yaku ukuman chinkaykachinan.

“Diosta kuyayqa kamachikuyninkunata kasukuymi, kamachikuyninkunaqa manam llumpay sasachu” (1 Juan 5:3).

¿Imanasqataq mana manchakunachu Jehova Diosta yupaychanapaq tanteakuytaqa?

• Salmo 103:14; Isaias 41:10

  Jehova Diosta yupaychanapaqqa manam tukuy imapi allin ruwaqraqchu kananchik. Paymi yanapawasun imatapas allinta ruwanapaq.

• Colosenses 1:10

  Jehova Diosta kuyaspanchikqa manam imawanpas harkachikusunchu.

‘Diosnilláy, munachkanim munallasqaykiman hina ruwallayta. Diosnilláy, sunqullaypim waqaychani qampa yachachisqaykita’ (Salmo 40:8).

¿Imakunatam ruwananchik manaraq bautizakuchkaspa?

• Juan 17:3

  DIOSPA PALABRANMANTAM YACHANANCHIK

  Jehova Diosta hinaspa Jesucristotam riqsinanchik. Paykunamanta astawan yachaspaqa astawanmi kuyasun.

• Hebreos 11:6

  IÑIYNIYUQMI KANANCHIK

  Manam iskayrayananchikchu Jehova Dios imapas nisqanta ruwananmantaqa hinaspa huchanchikmantawan wañuymanta librawananchikpaq Jesuspa wañusqanmantaqa.

• Hechos 3:19

  WANAKUNANCHIKMI

  Ñawpaqpi mana allinkuna ruwasqanchikmantam sunqumanta wanakunanchik.

  ÑAWPAQPI MANA ALLINKUNA RUWASQANCHIKTAM SAQINANCHIK

  Manañam mana allinkuna ruwaytaqa ruwananchikchu, aswanqa allin kaqtañam ruwananchik.

• 1 Pedro 4:2

  DIOSLLAPAQÑA KAWSAKUY MUNASQANCHIKTAM NINANCHIK

  Diosta yupaychanapaq tanteakuspaqa, paytam sunqumanta mañakunanchik. Chay mañakusqanchikpim tukuy sunqumanta ninanchik imaña kaptinpas payllataña yupaychananchikpaq.