‘Mana allin ruwayqa Diosmanta karunchasqayá kachun. Hucha ruwayqa tukuy atiyniyuq Diosmanta karunchasqayá kachun’ (Job 34:10).

¿Imanasqam runakunaqa llumpayta ñakarinchik?

• 1 Juan 5:19

  Satanasmi kay allpa pachataqa munaychakun.

• Eclesiastes 8:9

  Wakin runakunaqa runamasintam ñakarichinku.

• Eclesiastes 9:12

  Wakinpiqa maypipas utaq mana allin tiempopi kasqanchikraykum ñakarinchik.

• 1 Pedro 5:7

  Jehova Diosqa anchatam kuyawanchik hinaspapas llakikunmi ñakariptinchik.

‘Diosmi yachan, [...] ñawikichik kicharikuruptin kikin Dios hinaña allin kaqtapas hinaspa mana allin kaqtapas yachaqña rikurirunaykichikta’ (Genesis 3:5).

¿Imanasqataq Jehova Diosqa mana chayllachu satanastaqa chinkarachirqa?

• Genesis 3:2-5

  Satanasmi nirqa Diosqa mana allin kamachiq kasqanta. Satanasqa munarqam runakuna Diosta mana kasukuspanku imatapas kikinku tanteakuy yachasqankuta piensanankuta. Diosmi ichaqa tiempo pasananta suyarqa, chaynapi satanas llulla kasqanta qawachinanpaq.

• Job 38:7

  Satanasqa wawa-waranqantin angelkunapa qayllanpim Diosqa llullakuq kasqanta nirqa.

“Yachanim runaqa mana kikillanmanta purisqanta” (Jeremias 10:23).

¿Imanasqam runakunaqa unay watakunaña ñakarichkanchik?

• Isaias 55:9

  Tukuy richkaq gobiernokunam runakunata kamachirqaku, ichaqa manam allintaqa kamachiyta atinmankuchu Diospa mana yanapakuyninwanqa.

• 2 Pedro 3:9, 10

  Jehova Diosqa ancha pacienciakuqmi, chaymi unay watakuna pasananta saqirqa payta riqsinanchikpaq hinaspa kamachiqninchikta hina payta akllakunanchikpaq.

• 1 Juan 3:8

  Jehova Diosqa Jesuswanmi satanaspa tukuy mana allinkuna ruwasqanta allichanqa.

‘Churilláy yachayniyuq kaspayá kusiriykachiy sunquyta. Chayna kaptikiqa contestasaqmi insultaqniy runata’ (Proverbios 27:11).

¿Imanasqam Jehova Diosqa mana hikutawanchikchu payta yupaychananchikpaq?

• Proverbios 30:24

  Animalkunaqa mana piensaspam imatapas ruwanku. Ichaqa Jehova Diosmi runakunata unanchawarqanchik kikinchikmanta tanteakuy yachaqta. Chaymi tanteakuchwan payta yupaychananchikpaq utaq manapas.

• Mateo 22:37, 38

  Jehova Diosqa sunqumanta kuyaspa yupaychananchiktam munan.