‘Angelkuna, Jehova Diostayá alabaychik. Kallpasapakuna, payllatayá alabaychik’ (Salmo 103:20).

¿Imatam bibliaqa yachachin angelkunamanta?

• Job 38:4-7

  Manaraq kay allpa pachata unanchachkaspanmi Diosqa angelkunata unancharqa.

• Apocalipsis 5:11

  Angelkunaqa wara-waranqantinmi kanku.

• 1 Pedro 1:11, 12

  Angelkunaqa runakunapaq hinaspa kay allpa pachapaq Dios imakuna ruwananmanta yachaytam munanku.

• Lucas 15:10

  Angelkunaqa kuyankum Diospa yupaychaqninkunataqa.

“Diospa angelninqa, Diosta manchakuqkunapa muyuriqninpi churakuykuspanmi waqaychan” (Salmo 34:7, Chulla Qellqa 2012).

¿Imaynatam yachanchik angelkunaqa runakunata yanapasqanmanta?

• Genesis 19:15, 16; Daniel 6:22; Lucas 22:43; Hechos 12:6-11

  Angelkunaqa yanaparqakum Lotta, Danielta, Jesusta hinaspa Pedrota.

• Hebreos 1:7, 14

  Diosmi angelninkunata kachamun yupaychaqninkunata yanapananpaq hinaspa mana allinkunamanta harkananpaq.

‘Satanas mana engañawananchikpaqmi, ñuqanchikqa yachanchik paypa tuqllankunamanta’ (2 Corintios 2:11).

¿Pikunataq demoniokunaqa kanku hinaspa imanasqam runakunata ñakarichinku?

• Apocalipsis 12:9

  Diospa contranpim huk angel rikurirurqa. Chaymi satanaswan sutichasqa karqa.

• Genesis 6:2

  Noeypa tiemponpim, wakin angelkunapas Diosta mana kasukuspanku kay pachaman hamurqaku.

• Mateo 9:34

  Kay angelkunapas Diospa contranpi hatariruspankum demoniokunaña karqaku.

• Deuteronomio 18:10, 11

  Demoniokunaqa tukuytam ruwanku runakunata pantachinankupaq hinaspa ñakarichinankupaqpas.

“Diablopa contranpi churakuychik, hinaptinqa qamkunamantam diablo ayqikunqa” (Santiago 4:7).

¿Imakunatam ruwanayki satanasmantawan demoniokunamanta Jehova Dios harkasunaykipaq?

• Hechos 19:19

  Layqakunata ruwanapaq hinaspa demoniokunamanta imapas rimaqtaqa kañanaykim, kañanaykitaqmi chayman rikchakuq kaqkunatapas allinpaq chaykuna rikchakuptinpas.

• Efesios 6:16, 18

  Aswan iñiyniyuq kanaykipaq bibliamanta astawan yachay hinaspa Jehova Diosta mañakuy mana allinkunamanta harkasunaykipaq.

• Proverbios 18:10

  Jehova Diosta sutinmanta mañakuy.