Jehova Diosqa ninmi: “Chaynaqa paykuna ukumantayá lluqsiychik hinaspayá paykunamanta rakikuychik, amañayá llapchaychikchu millakuypaq kaqtaqa”, nispa (2 Corintios 6:17).

¿Imanasqataq mana allinchu taytacha-mamachakunata hinaspa wañusqa runakunata yupaychayqa?

• Exodo 20:4, 5; 1 Juan 5:21

  Jehova Diosqa manam munanchu taytacha-mamachakunawan payta yupaychananchiktaqa.

• Deuteronomio 18:10-12

  Wañuqkunawan rimaq runakunaqa demoniokunawanmi rimachkanku, manam wañuqkunawanchu.

“Hinallayá yachaychik señorninchikpa munasqanman hina imakuna kasqanmanta” (Efesios 5:10).

¿Imaynatam tanteakuwaq ima fiestaman rinaykipaq utaq mana rinaykipaqpas?

• Ezequiel 44:23; 2 Corintios 6:14, 15

  Yachanaykim chay fiesta pantay religionwan chaqrusqa utaq mana chaqrusqa kasqanmanta.

• Exodo 32:2-10

  Ichapas Jehova Diosqa runakunapa ruwasqan wakin fiestakunataqa mana allinpaqchu qawan, paypaq chay fiestata ruwaptinkupas.

• Daniel 3:1-27

  Runakunata, gobiernokunata hinaspa banderakunata hatunchaq fiestakunataqa qipanchananchikmi.

• 1 Timoteo 1:18, 19

  Manaraq imatapas ruwachkaspayki, allinta yachaykuy tanteasqaykiwan Jehova Diospa qayllanpi allin concienciayuq kanaykimanta.

“Rimasqaykichikpas sumaqllañayá kachun kachiwan kachichasqa hina, chaynapim yachankichik sapakamaman imayna kutichiyta” (Colosenses 4:6).

¿Imaynatam hukkunaman willakunayki imapas yachasqaykikunamanta?

• Mateo 7:12

  Imaynam qampas munawaq tanteakusqaykita respetanankuta, chaynam runakunapa imapas tanteakusqankuta respetanayki.

• 2 Timoteo 2:24

  Yachasqaykikunamanta pimanpas willakuspaykiqa ama atipanakuq hinaqa rimaychu, aswanqa kuyakuywan.

• 1 Pedro 3:15

  Iñisqaykimanta pipas tapusuptikiqa pacienciakuspa hinaspa ancha respetowan rimay.

• Hebreos 10:24, 25

  Huñunakuykunapiqa kallpanchasqam tarikunki, yachankitaqmi pipas bibliapa yachachikuyninkuna yanqa kasqanta nisuptiki imaynata bibliawan qawachinaykipaq.