‘Yaku tuqyamuchkaq hinaraqmi tukuy kawsakuyqa qamllamanta hamun’ (Salmo 36:9).

¿Imakunatam mana ruwanachu kawsakuy quwasqanchikmanta Diosta agradecekuspaqa?

• Hechos 17:28; Apocalipsis 4:11

  Jehova Diosraykum kawsachkanchik, chaymi kawsakuyninchiktaqa mana yanqachananchikchu.

• Exodo 21:22, 23; Deuteronomio 5:17

  Runa wañuchiy hinaspa sullu wawachata wañuchiyqa hucham.

• 1 Juan 3:11, 12, 15

  Manam pitapas chiqninanchikchu.

• 2 Corintios 7:1

  Manam cigarrotaqa pitanachu nitaq drogakunachu.

• Salmo 11:5

  Manam pukllanachu nitaq kusirikunachu mana allin pukllaykunawanqa.

‘Ichaqa amam mikunkichikchu kawsachiqnin yawarniyuq aychataqa’ (Genesis 9:4).

¿Ima nintaq Jehova Diosqa kawsakuyninchikmanta hinaspa yawarmanta?

• Genesis 4:10; Deuteronomio 12:23

  Yawarninchikraykum kawsanchik.

• Genesis 9:3, 4

  Aychataqa mikuchwanmi, ichaqa manam yawartaqa.

• Hechos 15:28, 29; 21:25

  Yawarta mana mikunapaq kamachikuyta kasukuspaqa manam yawartaqa churachikusunchu.

• Hebreos 11:6

  Jehova Dioswan allin kaymi imamantapas aswan allinqa.

“Jesuspa yawarninmi lliw huchanchikmanta mayllawanchik” (1 Juan 1:7).

¿Imakunatam chaskinchik Jesus wañukusqanrayku?

• Levitico 17:11

  Ñawpaq tiempopi Israel runakunaqa, Diospa templonman rispankum huk animalta Jehova Diospaq wañuchiqku hinaspa chaypi kaq sacerdoteta niqku animalpa yawarninta altarman challaykunanpaq, chayta ruwaspankum huchankumanta pampachasqa karqaku.

• Mateo 20:28; Hebreos 9:11-14

  Jesusqa huchanchikmanta pampachasqa kananchikpaqmi wañurqa utaq yawarninwan rantiwarqanchik. Chaymi Jehova Diospaq animalta wañuchinapaq kamachikuyqa Jesuspa wañukusqanwan tukurqa.

• Juan 3:16

  Jesuspa kawsakuyninqa ancha valorniyuqmi karqa. Chaymi kawsariramusqan qipata Jehova Diosqa nirqa pipas Jesuspi iñiqqa wiñay kawsayta chaskinanmanta.