“Ñawpaqmantaraqmi manaraq imapas pasakuchkaptin, hamuq punchawkunapi imakunam pasakunanmanta willakuni” (Isaias 46:10, Chulla Qellqa 2012).

¿Imakunataq tukupay punchawkunapi kanan karqa?

• Daniel 7:13, 14

  Jesusmi hanaq pachapi kamachiyta qallaykurqa 1914 watamanta.

• Mateo 24:3-14

  Jesusmi willakurqaña llumpay sasallaña punchawkuna kananmanta.

• Apocalipsis 12:7-9, 12

  Jesucristoqa kamachiyta qallaykuspallanmi satanasta hanaq pachamanta kay allpa pachaman wischumurqa. Satanasqa llumpay piñasqam kachkan “pisi tiempoyuqllaña kasqanta” yachaspan. Chaymantaqa manañam Diosqa saqinqachu mana allinkunata ruwanantaqa.

‘¿Ima señaltaq qawachinqa [...] kay tiempopa tukupayninta?’ (Mateo 24:3).

Bibliapa willakusqanman hinaqa, ¿imakunatam kunan qawachkanchik?

• Mateo 24:7; Lucas 21:11

  Kunanqa astawanmi kachkan wañuchinakuy, terremotokuna, unquykuna hinaspa yarqaypas.

• 2 Timoteo 3:1-5

  Pablom nirqa tukupay punchawkunapi runakuna imayna kanankumanta.

• Daniel 12:4

  Diosmi yupaychaqninkunata yanapachkan bibliamanta allinta yachanankupaq.

• Mateo 24:14

  Diospa munaychakuyninmanta sumaq willakuymi enterollan kay pachapi willakusqa kachkan.

“Allintam yachankichik Jehova Diospa punchawninqa, tutapi suwa hamuchkaq hina hamunanta” (1 Tesalonicenses 5:2).

Kayllapiña Diospa piñakuynin punchaw kananta yachaspaqa, ¿imatam ruwanayki?

• Juan 17:3

  Kallpanchakunaykim bibliamanta astawanraq yachanaykipaq.

• Hebreos 10:24, 25

  Jehova Diospa testigonkunapa huñunakuyninkumanmi rinayki bibliamanta astawan yachanaykipaq.

• Santiago 4:8

  Diospa amistadnin kanaykipaqqa mana allin ruwaykunatam saqinayki.

• Lucas 21:34-36

  Jehova Dios yupaychaytam imamantapas puntapi churanayki.