“Tukuy kaykunaraykum hanaq pacha taytanchikpa ñawpaqninpi qunqurakuni. Payraykum hanaq pachapipas kay pachapipas lliw ayllukuna kachkan” (Efesios 3:14, 15).

¿Imaynatam ayllunchikwan kusisqa kawsakuchwan?

• Genesis 1:26-28

  Jehova Diosmi aylluta qallarichirqa.

• Efesios 5:1, 2

  Ayllunchikwan kusisqa kawsakunapaqqa, Jehova Diostawan Jesustam qatipakunanchik.

“Kikikichikta hinayá warmikichikta sapakama kuyaychik, warmiñataqyá qusanta anchata respetachun” (Efesios 5:33).

¿Imaynatam warmiwan qariqa kawsakunanku?

• Efesios 5:22-29

  Qusam ayllunpiqa nanachikunan. Kuyanantaqmi warmichanta, warmichanñataqmi qusanta yanapanan imapas tanteasqanpi.

• Colosenses 3:19; 1 Pedro 3:4

  Mana qaqchanakuspam kuyakuywan kawsakunanku.

• 1 Pedro 3:1, 2, 7

  Respetanakuspam kawsakunanku.

• 1 Timoteo 5:8; Tito 2:4, 5

  Qusaqa ayllunta uywananpaqmi llamkanan. Warmichanñataqmi wasipi yanapakunan.

“Taytakuna, churikichiktaqa amayá piñachiychikchu, aswanqa sumaqllatayá uywaychik Jehova Diospa kamachisqanman hinaspa yachachisqanman hina” (Efesios 6:4).

¿Imaynatam tayta-mamakunaqa warmankuta uywananku?

• Deuteronomio 6:4-9; Proverbios 22:6

  Warmaykikuna kaptinqa, tiempochakunaykim Jehova Diosmanta yachachinaykipaq. Uchuychallaraq kasqankumantam yachachinayki Jehova Diospa amistadnin kanankupaq.

• 1 Pedro 5:8

  Warmaykikunata yachachiy abusaq runakunamanta hinaspa huk sasachakuykunamanta cuidakunankupaq.

• Jeremias 30:11; Hebreos 12:9-11

  Warmaykikunata corregiy, ichaqa ama piñasqa kaspaykichu nitaq llumpayta maqaspaykichu.

“Wawa-churikuna [...] tayta-mamaykichikta kasukuychik” (Efesios 6:1).

¿Imanasqam tayta-mamaykita kasukunayki?

• Proverbios 23:22-25; Colosenses 3:20

  Kasukuq kaptikiqa, Jehova Dioswan tayta-mamaykipas kusisqam kanqaku.

• 1 Corintios 15:33

  Jehova Diosta kuyaq amistadkunata maskay. Chaynata ruwaspaykiqa manam sasachakunkichu allin kaqkunata ruwanaykipaq.