“Manam imatapas yachanchu wañuqkunaqa” (Eclesiastes 9:5).

¿Imaynam kanchik wañuruspaqa?

• Salmo 146:3, 4; Eclesiastes 9:6, 10

  Wañuruspaqa manañam qawakunchikchu, uyarinchikchu nitaq piensanchikchu.

• Juan 11:11-14

  Jesusmi nirqa wañuyqa puñuy hina kasqanta.

‘Allin kaqta hinaspa mana allin kaqta yachanapaq sachapa ruruntam ichaqa ama mikunkichu, chayta mikuruspaykiqa chiqaptapunim wañurunki’ (Genesis 2:17).

¿Imanasqam wañunchik?

• Genesis 3:1-6

  Satanasmi Evata nirqa Diosta mana kasukuspan mana wañunanmanta. Ichaqa Diosta mana kasukusqankuraykum Adanwan Evaqa huchallikururqaku hinaspa tiempopa risqanman hina wañurqaku.

• Genesis 3:19

  Adan wañuruspanqa allpayaruspanmi chinkarurqa.

• Romanos 5:12

  Huchataqa punta tayta-mamanchikmantam unquyta hina chaskirqanchik. Chayraykum huchasapaña nacenchik hinaspa wañunchik.

• 1 Corintios 15:26

  Bibliam nin wañuyqa enemigonchik kasqanmanta.

“Sichum huk runa wañukuspanqa ¿yaqachum huktawan kawsarimunqa?” (Job 14:14).

Wañuqkunamanta imam kaqta yachayqa, ¿imakunamantam librawanchik?

• 1 Juan 4:8

  Rawrachkaq ninapi runakunapa rupasqanta yachachisqankuqa Jehova Diostam piñachin. Payqa manam haykapipas chaynataqa ñakarichiwachwanchu.

• Apocalipsis 4:11

  Achka runakunam wañusqakunata manchakunku, hinaspam paykunata yupaychanku Jehova Diosta yupaychanankumantaqa. Jehova Diosllam chiqap Diosqa, chaymi payllata yupaychananchik.