‘Qanmi tukuy imata unancharqanki’ (Apocalipsis 4:11).

¿Imatam biblia Diosmanta yachachiwanchik?

• Apocalipsis 15:3

  Diosqa tukuy atiyniyuqmi. Payllam pimantapas aswan atiyniyuqqa.

• Salmo 90:2

  Diosqa karqañam imakunapas manaraq kachkaptin.

• Mateo 6:9

  Diosqa taytanchikmi, chaymi imatapas allinninchikpaq munan.

• Hechos 17:27

  Diosqa munanmi amistadnin kananchikta.

“Tukuy atiyniyuq Jehova Diosllayku” (Apocalipsis 4:11).

¿Imanasqam Diostaqa sutinmanta mañakunanchik hinaspa ima ninantaq sutinqa?

• Romanos 10:13

  Bibliam willawanchik Diospa sutinqa Jehova kasqanmanta. Manam Dioschu nitaq señorchu sutinqa. Chaykunaqa yaqa qusa utaq yachachiq ninallanmi. Jehova Diosqa sutinta rimananchiktam munan.

• Exodo 3:14, NM

  Sutinqa ‘Ñuqam kasaq imapas ruwasqa kananpaq’ ninanmi. Jehova Diosmi tukuy imata unancharqa, chayraykum nisqanman hina munayninta ruwanqa.

‘Diosqa kuyakuqllañam’ (1 Juan 4:8).

¿Imaynatam Diosqa kuyawanchik?

• Exodo 34:6; Salmo 37:28

  Payqa llakipayakuq hinaspa llampu sunqu Diosmi. Manam llullakunchu, aswanqa allin ruwaytam kuyan.

• Salmo 86:5

  Pampachakuykuqmi.

• 2 Pedro 3:9

  Pacienciakuqmi.

• Apocalipsis 15:4

  Hapipakunapaq Diosmi.

‘Tukuy llakikichikta Diospa makinpi saqiychik, payqariki qamkunamantam nanachikun’ (1 Pedro 5:7).

¿Imanasqataq mana iskayrayankichu Jehova Dios kuyasusqaykimanta?

• Salmo 37:9-11

  Jehova Diosqa ninmi ñakariyta hinaspa runakunapa mana allin ruwasqankuta chinkachinanmanta.

• Santiago 4:8

  Jehova Diosqa munanmi amistadnin kanaykita.

• Juan 17:3

  Diosmanta astawan yachaspaykiqa, astawanmi kuyanki.