‘Pasaypaqtam chinkachinqa qipallaña kaq enemigonchik wañuytaqa’ (1 Corintios 15:26).

¿Imaynatam bibliaqa yanapawanchik pipas wañukuptin?

• 2 Corintios 1:3, 4

  Ayllunchik utaq amistadninchik wañukuptinqa llumpaytam llakikunchik. Ichaqa bibliam yanapawanchik ima llakinchikpipas.

• Isaias 25:8; 26:19

  Jehova Diosqa atiyniyuqmi wañuyta chinkachinanpaq hinaspapas wañuqkunatam kawsarichimunqa.

“Sipascha qamtam niki, ‘¡hatariy!’” (Marcos 5:41).

¿Imanasqam mana iskayrayananchikchu wañuqkuna kawsarimunankumantaqa?

• Juan 11:1-44

  Jesusqa Lazarotam kawsarichirqa.

• Marcos 5:22-24, 35-42

  Jesusqa sipaschatam kawsarichirqa.

• Juan 11:41, 42

  Jehova Diosmi Jesusman atiyta qurqa wañuqkunata kawsarichinanpaq.

• Juan 12:9-11

  Jesusmi achka runakunapa qayllanpi wakin wañuqkunata kawsarichirqa. Jesusta chiqniq runakunapas yacharqakum wañuqkunata kawsarichinanpaq atiyniyuq kasqanta.

‘Qayakamuptikim ñuqañataq contestamusqayki. Hinaptinqa unanchawasqaykimantachá sientiypaqña-sientiwanki’ (Job 14:13-15).

¿Pikunataq kawsarimunqaku?

• Juan 5:28, 29

  Jehova Diosqa yuyayninpi llapallan kaqkunatam kawsarichinqa.

• Hechos 24:15

  Allin ruwaq hinaspa Diosta mana riqsiq runakunam kawsarimunqaku.

• Isaias 40:26

  Jehova Diosqa yuyanmi lliw lucerokunapa sutinta, chaynallataqmi wañuqkunapa imayna kasqankuta yuyachkan kawsarichinanpaq.

“Qamkunapaq sitiota allichaqmi ñuqaqa richkani” (Juan 14:2).

¿Pikunataq kawsarinku hanaq pachapi kawsanankupaq?

• 1 Pedro 3:18

  Jesusmi puntata kawsarirqa hanaq pachapi kawsananpaq.

• Lucas 12:32

  Jesusmi nirqa Diosman sunqu aslla runakuna hanaq pachapi kawsanankumanta.

• Apocalipsis 14:1

  Jehova Diosmi akllarqa 144.000 Diosman sunqu runakunata hanaq pachapi kawsanankupaq.