¿Imatam bibliapi nin espiritukunamanta?
Kanmi achkallay-achka espiritukuna, ichaqa manam wañukuqkunapa animanchu utaq espiritunchu.
Runakunam ninku pipas wañukuptin animan utaq espiritun cuerponmanta lluqsiruspan hinalla kawsasqanta, ichaqa manam chaynachu. ¿Imaynatataq chayta yachanchik? Bibliapim imam kaqta willawanchik Diospa palabran kasqanrayku. Diosmi runakunataqa unanchawarqanchik, chayraykum sumaqta yachan wañukuptinchik ima pasawasqanchikta (Salmos 83:18; 2 Timoteo 3:16).
Bibliapim nin runataqa Dios “ñutu allpamanta” unanchasqanta (Genesis 2:7). Chaymantam Adanta Eden huertapi kawsakunanpaq churaykurqa. Diospa kamachikuyninta kasukuspanqa Adanqa hinallaraqmi kay allpa pachapi kawsachkanman karqa, ichaqa mana kasukusqanraykum wañuyman chayarqa. Diosmi payta nirqa: “Allpallamantam kanki, allpallamantaqmi kutiykunkipas”, nispa (Genesis 3:19).
¿Ima ninantaq “allpallamantam kanki, allpallamantaqmi kutiykunkipas” nisqanqa? ¿Maypitaq Adanqa karqa manaraq allpamanta ruwasqa kachkaspanqa? Manam maypipas karqachu. Chayraykum “allpallamantam kanki, allpallamantaqmi kutiykunkipas” nisqanwanqa wañuspan allpayananmanta nichkarqa. Arí, Adanqa qalaypaqmi chinkarurqa.
Chaynaqa, ¿imatataq nichwan wañukuq runakunamanta? ¿Qalaypaqchu chinkarunku? Chaymantam bibliapi kaynata nin:
-
‘Animalpas, runapas hina kaqllamanmi rinku. Llapallankum ñutu allpamanta ruwasqa Eclesiastes 3:20, Chuya Qellqa 1987).
karqaku. Llapallankutaqmi ñutu allpaman kutiykunku’, nispa ( -
“Wañusqakunam ichaqa manaña imatapas yachankuchu”, nispa (Eclesiastes 9:5).
-
“Chinkarunñam kuyakuyninpas, chiqnikuyninpas chaynataq envidiakuyninpas”, nispa (Eclesiastes 9:6).
-
“Wañuruspaykiqa manañam imatapas ruwankiñachu. Manañam imata ruwanaykipaqpas piensankiñachu, manañam imatapas yachankiñachu, manañam imatapas yuyankiñachu”, nispa (Eclesiastes 9:10).
-
“Runakunapa samaynin chinkaruptinqa allpamanmi kutiykunku. Chay punchawllapim ima ruway munasqankupas tukurun”, nispa (Salmos 146:4).
¿Mana creenaykipaq hinachu kay textokunapa nisqanqa? Chayna kaptinqa kaypi piensariy: Yaqa llapan familiakunapim Salmos 115:17).
qusakuna llamkapakunku familiankuta mantienenankupaq. Qusa wañukuptinmi ichaqa familiakunaqa sasachakuypi tarikunku. Wakinpiqa mikunankupaqpas manam tarinkuchu. Wakinpiqa mana allin runakunapa ñakarichisqanmi kanku. Chaynaqa chay wañukuq runapa espiritun hinalla kawsaspanqa, ¿imanasqataq mana hinallachu familiantaqa mantienen? ¿Imaynanpitaq ñakarichinankutapas saqin? Wañusqakunaqa manaqa imatapas ruwankuchu qalaypaqña chinkarusqankuraykum (¿Nichkanchikchu kaywanqa wañuqkuna manaña kawsarimunanta? Manam. Kaykunamanta rimaruspam kawsarimuymanta rimasunchik. Wañuqkunaqa manañam ima ruwasqanchiktapas yachankuñachu, manañam qawawanchikñachu nitaq uyariwanchikñachu, manataqmi rimankuñachu. Wañusqakunataqa manam manchakunanchikchu, paykunaqa manam yanapawachwanchu nitaq ñakarichiwachwanchu (Eclesiastes 9:4; Isaias 26:14).