Satanaswan demoniokunaqa runakunataqa manañam pantachinqañachu (Apocalipsis 12:9). Ñam Diosqa satanastawan demoniokunataqa presochanqaña. Apostol Juanmi kaynata qillqarqa: “Chaymantam rikurqani hanaq pachamanta uraykamuchkaq huk angelta, uraykamuchkasqaqa uku-uku uchkupa llaventa aparikuspam chaynataq hatu-hatun cadenata aparikuspam. Chay angelmi manchakuypaq culebrata hapiruspan cadenawan watarurqa 1.000 watapaq, chay manchakuypaq culebraqa diablowan hinaspa satanaswan sutichasqa ñawpaqmantaraq kaq culebram. Wataruspanmi uku-uku uchkuman wischuykurqa, hinaspam wichqaruspan suma-sumaqta segurarurqa, chaynapi 1.000 wata tukurunankama nacionkunata amaña pantachinanpaq”, nispa (Apocalipsis 20:1-3). Chaymanta qipamanmi diablotawan demoniokunataqa Dios wiñaypaq chinkachinqa (Apocalipsis 20:10).

Mana allin runakunapas kay allpa pachamantam chinkachisqa kanqaku (Salmos 37:9, 10; Lucas 13:5).

Satanastawan demoniokunata Jehova Dios presocharuptinqa runakunaqa allinñam kawsakusun. Yachamusqanchikman hinam wañusqakunaqa manaña imamantapas cuentata qukunkuchu. Chaymi Jesusqa wañuyta tupachirqa miski-miski puñuywan (Juan 11:11-14). Hamuq tiempopim wañuqkunaqa puñusqa kasqankumanta hina rikcharichisqa kanqaku. Chaymi bibliapi nin: “Tiempom chayamuchkanña haykam sepulturapi kaqkuna [...] kawsarimunankupaq”, nispa (Juan 5:28, 29; tupachiy Hechos 24:15 nisqanwan).

Wañuqkunaqa kay allpa pachapim kawsarimunqaku. Kawsarimusqankuqa mayna kusikuypaqmi kanqa. Ancha-anchatamá kusikusun wañuqkunata kaqmanta qawaykuspanchikqa.