BAUTISMO. Yachachiqpa ñawpaqninpim kachkan bautizakuqkunapaq sapaqchasqa tiyanakuna. Bautizakunapaq yachachikuy manaraq qallaykuchkaptinmi bautizakuqkunaqa paykunapaq sapaqchasqa tiyanankupiña sabado madrugawta tiyananku. Llapankum apananku toallata hinaspa yakuman yaykunanku pachatapas.

CHASKIQKUNA. Chaskiqkunaqa yanapasunaykipaqmi kachkanku. Paykunapa nisqanta kasukuy carroykita maypi sayachinaykipaq, maypi tiyanaykipaq hinaspa puriqkunata mana harkanaykipaq nisuptiki.

IMANAKURUQKUNATAPAS YANAPANAPAQ. Kaypiqa yanapanqaku huñunakuypi pipas qunqayllamanta mana allin tarikuptillanmi.

IMAPAS WISCHUKUSQANCHIKTA TARINAPAQ. Imatapas tarikuspaykiqa wischukusqankuta waqaychaqkunaman apay. Chaypitaqmi maskawaq imaykitapas wischukuruspaykiqa. Chaymantaqmi apana chinkasqa warmachakunatapas, mana chay kananpaqqa warmaykichikwan kuskam kanaykichik.

QULLQIWAN YANAPAKUNAPAQ. Kay huñunakuypi hawka tiyanapaq, allinta uyarinapaq, sumaqta qawanapaq hinaspa tukuy ima ruwanapaqmi gastokuna karqa. Qullqi qusqaykichikmi yanapan chay gastokunapaq hinaspa Diosmanta enteron pachapi willakunapaq. Sutillam kachkan qullqi churanapaq achka cajachakuna. Qullqikiwan yanapakuyta munaspaykiqa, yaykuwaqtaqmi donate.pr418.com nisqanmanpas. Diospa llaqtanpi punta apaqkunam anchata agradecekusunkichik qullqichaykichikwan yanapakusqaykichikmanta.

TIYANAMANTA. Ama hina kaspa tiyanakunataqa sapaqchay wasikipi ayllullaykipaq, carroykipi riqmasikikunallapaq, yachaqmasikikunallapaq utaq qanwan bibliata estudiaqkunallapaq. Ama yanqaqa tiyanakunapiqa imaykitapas churaychu. Wakinkunapa allinnintam maskananchik, manam kikillanchikpa allinninchiktachu.

YANAPAKUY MUNAQKUNAPAQ. Hatun huñunakuypi ima ruwaypipas yanapakuyta munaspaykiqa asuykuy yanapakuy munaq chaskiqkunaman.

Diospa munaychakuyninmanta willakuqkunapaq escuela: Kay escuelamanta rimaq huñunakuymi kanqa domingo tarde lawta. Chaymanmi 23 watayuqmanta 65 watayuqkama 70 horata sapa killa Diosmanta willakuqkuna rinmanku, paykunaqa kananku Diosmanta aswan willakuyta munaqkunam. Maypi hinaspa imay hora kananmantam willakuy kanqa.