Achka carrokunapa pasasqan callekunata imayna pasasqankupi reparaq estudioso runakunam willakunku: pipas takikunata uyarispa, celularwan rimaspa callekunata pasaq runakunaqa peligropis vidankuta churanku. Celularpi qellqastin pasaqkunaqa astawansi peligropi vidankuta churanku. Chaynata ruwastin puriqkunaqa manataqsi reparankuchu semáforo nisqankupi nitaq imawan urmarunankupaq kasqanpipas, chaymantapas kaylawman otaq waklawman mana qawarikuspataqsi purinkupas.

Nigeria nacionmanta Europa lawman warmikunata engañaspa apaq mana allin runakunam kasuchikunankupaq layqata ruwaspa juramentachinku. Chay warmikunaqa mana allin espiritukunata llumpayta manchakusqankuraykum chuchumika kanankupaq obligasqa kanku.

Pichqa otaq chunka runakunam llamkapakuyta maskaspankuqa manaña willakunkuñachu ima profesionniyoq kasqankumanta otaq hayka wata experienciayoq kasqankumantaqa. Chaykunamanta willakuspaqa astawanmi sasachakunku llamkapakuyta tarinankupaq.

Yachayniyoq runakunam ninku wakin nacionkunapi yantawan otaq carbonwan yanukuqkunaqa pulmonninkuwan onqoruspa 4 millon runakuna sapa wata wañusqankumanta. Chay runakunam ninku yantapa otaq carbonpa qosniyninqa cigarropa qosniynin hina mana allin kasqanmanta.