IMATAM BIBLIA NIN
Wañuymanta
¿Maypitaq wañuqkunaqa kachkanku?
“Allpamanta ruwasqam kanki, allpallamantaqmi kutiykunkipas.” (Genesis 3:19, Chuya Qellqa revisión 2012)
IMATAM RUNAKUNA NINKU:
Wañuspaqa cielopi, infiernopi, purgatoriopi otaq limbo nisqankupi vida hinalla kasqantam piensanku. Hukkunañataqmi piensanku wañuspaqa huk runapa cuerponpi otaq animalpa cuerponpi alma otaq animan yaykusqanta. Diospi mana creeqkunaqa piensankum wañuruspaqa runapa vidan chaylla tukusqanta.
IMATAM BIBLIA NIN:
“Ruwanaykipaq kaqtaqa, kallpanchakuspayá chaylla ruway; sepulturapiqa manañam imatapas ruwankiñachu, manañam llamkankiñachu, manañam imatapas yachankiñachu, yachaypas chaypiqa manam kanñachu”, nispa (Eclesiastes 9:10, CQ12). Wañuptinchik ima pasawasqanchikmantam Bibliaqa nin: “Llapallankum ñutu allpamanta rurasqa karqaku. Llapallankutaqmi ñutu allpaman kutiykunqaku”, nispa (Eclesiastes 3:20).
¿Imaynataq wañusqakunaqa kachkanku?
“Paykunaqa wañuruspankum allpayarun. Chay punchawllapitaqmi tanteasqankupas chinkarun.” (Salmo 146:4)
IMATAM RUNAKUNA NINKU:
Kay vidapi imapas ruwasqanman hinam huk vidapiqa kawsakunqaku. Allinkunata ruwaspaqa wiñaypaqmi bendicionkunata chaskinqa, mana allinkunata ruwaspaqa wiñaypaqmi castigopi tarikunqa. Wakinmi ninku, pipas Diospa ladonpi kananpaqqa huchanmantam chuyanchasqa kanan; mana chayqa manam haykapipas kusisqaqa tarikunqachu.
IMATAM BIBLIA NIN:
Eclesiastes 9:5, 6 nin: “Wañunanmantam yachanku kawsaqkunaqa. Manam imatapas yachanchu wañuqkunaqa. Ima pagotapas manam chaskinchu wañuqkunaqa [. . .]. Tukurunñam kuyakuyninqa. Tukurunñam cheqnikuyninqa. Tukurunñam sientekuyninpas. Kay pachapi tukuy ruraykunapiqa manañam kanqachu ima rurananpas”, nispa.
¿Kanchu ima suyakuypas wañuqkunapaq?
“Sichum huk runa wañukuspanqa ¿yaqachum huktawan kawsarimunqa? Chayna kaptinqa ñakarispapas kacharisqa kanaykamam suyasaq ñoqallayqa.” (Job 14:14)
IMATAM RUNAKUNA NINKU:
Infiernoman destinasqa runapaqqa manam ima suyakuyninpas kanchu, chaypim wiñaypaq ñakarinqa. Purgatorioman riqkunañataqmi huchankumanta chuyanchasqa kananku hanaq pachapi Dioswan kanankupaq.
IMATAM BIBLIA NIN:
‘Amayá kaywanqa admirakuychikchu, chayamunqam punchaw panteonpi wañusqakuna paypa qayakuyninta uyarispanku kawsarimunankupaq’ (Juan 5:26, 28, 29, CQ12). Wañusqankumanta unay tiempoña pasaptinpas wañuqkunaqa kawsarimunqakum kay Pachapi. Kawsarimuspaña vidankuwan imata ruwasqankum qawachinqa imata Dios paykunawan ruwanantaqa. *
^ par. 14 Wañuqkuna kawsarimunanmanta astawan yachayta munaspaqa tariwaqmi ¿Imatapunim Bibliaqa yachachin? libropa 7 kaq yachachikuyninpi, kayqa Testigokunapa ruwasqanmi, horqowaqtaqmi www.pr418.com/quy nisqapi.
