QARANPI KAQ YACHACHIKUY | HATUN LLAKI PASAWAPTINCHIK
Mana imayoq rikuriruspa
2011 kaq watapim 11 marzo killata viernes punchawpi Japón nacionta manchakuypaq terremoto (9,0) katkatatachirqa. Chaypim wañururqaku 15.000 masnin runakuna, chaymantapas tukuy imatam yanqacharurqa achkallaña qollqepa chaninta (200 mil millones de dólares). Lamar qochamanta yaku llumpayta lloqsimunanpaq kasqanmanta willaptinkum 32 watanpi kaq Kei sutiyoq runa moqo lawman ayqekurqa, paymi nin: “Paqarinnintam imallaytapas horqonaypaq wasiyman kutirqani, ichaqa qalaychapaqmi wasiyta yaku aparusqa, cimientollanñam qeparusqa.
Tukuy imay manaña kasqanta qawaykuspaymi muspayniypi hina rikurirurqani, manañam kasqachu carroy, llamkanaypaq computadoraykuna, mesaykunawan sillaykuna, amistadniykunawan tiyanaykuna, musica tocanaypaq iskay guitarraykuna, pianoy, flautay, dibujaspa pintanaypaq kaqkunatapas qalaychatam yaku aparusqa”.
IMATAM RUWACHWAN CHAYNA HATUN LLAKIPI TARIKUSPAQA
Imapas kapusuqllaykipiña reparay, amaña piensaychu manaña kaqkunapiqa. Bibliam nin: “Runapa vidanqariki tukuy imayuq kaptinpas manam kapuqninkunamantachu kanqa”, nispa (Lucas 12:15, NM). Keimi nin: “Puntataqa tukuy ima munasqaytam listapi churarqani, ichaqa manam yanapawarqachu hawka kanaypaq, aswanqa yakupa apasqan tukuy imaytam yuyarirqani. Chaymi listapi qellqarqani imapas necesitasqay kaqkunallata, hinaspam imatapas adquirisqayman hina chay listapi señalaq kani. Chayna ruwasqaymi yanapawarqa vidaypi hawkaña kanaypaq”.
Hukmanyaruspa llakisqallaña kanaykimantaqa hukkunata consuelaspa yanapay. Keimi nin: “Desgraciapi kaqkunata yanapaqkunapa hinaspa amistadniykunapa yanapaynintam chaskirqani, ichaqa imatapas mana qollqellapaq chaskikusqayman hinam mana imapaq valeqña sientekurqani. Chaymi yuyarirurqani huk textota, chaypim nin: ‘Ima chaskiqmantapas aswan kusisqaqa imapas qoqmi’, nispa (Hechos 20:35). Tukuy imay manaña kaptinmi tanteakurqani desgraciapi kaqkunata Diospa Palabranwan kallpanchanaypaq. Tukuy sonqoywan yanapakusqayqa anchatam kallpanchawarqa”.
Jehova Diosta mañakuy yachayta qosunaykipaq, chaywanqa atipankim ima sasachakuytapas. Bibliam nin: “Qamqa uyarinkim mana imayoqkunapa mañakusqanta”, nispa. Chayna nisqanpim Keiqa tukuy sonqonwan hapipakurqa (Salmo 102:17). Qampas chaynatam ruwawaq.
Diosmi prometen: hamuq tiempopiqa ima desgraciawanpas manaña ñakarinamanta (Isaias 65:21-23). *
^ par. 9 Dios kay Pachapaq tanteasqanmanta astawan yachayta munaspaqa qaway ¿Imatapunim Bibliaqa yachachin? niq libropa 3 kaq yachachikuyninpi, kayqa Jehova Diospa testigonkunapa ruwasqanmi. Kachkantaqmi www.pr418.com/quy nisqapipas.
