Bibliamanta yachay munasqankum leeytawan qillqayta yachanankupaq kallpancharqa
“Lliw runakunam leeytawan qillqayta yachananku, chayqa allinta tanteakunankupaqmi hinaspa llaqtankupipas allinta kawsakunankupaqmi yanapan” (UNESCO). *
WILLAKUNKUM enteron allpa pachapi 15 watayuqmanta wichayman 700 millon masnin runakuna leeytawan qillqayta mana yachasqankumanta. Mana leeyta yachasqankuraykum tukuy imamanta mana yachankuchu. Leeytawan qillqayta yachayqa ancha allinmi, bibliapi sumaq yachachikuykunamanta yachaspa allinta kawsakunapaq (Romanos 15:4). Chaymi Jehova Diospa testigonkunaqa achka nacionkunapi mana leey yachaqkunaman mana qullqillapaq leeytawan qillqayta yachachichkanku. ¿Chayna yachachisqankuqa yanapachkanchu?
México nacionpi imayna yachachisqankumantayá yachasun, chay nacionpiqa yaqa lliw runakunam castellanota rimanku. 1946 watamantaraqmi Jehova Diospa testigonkunaqa leeytawan qillqayta yachachichkanku, chaywanmi 152.000 runakunataña yanaparunku. Chayna yachaqkunapas hukkunamanmi yachachichkanku. Testigokunapa chayna ruwasqanku allinpaq kasqanta qawaspanmi chay nacionpi gobierno paykunaman cartakunata apachirqa. Hukkaqnin cartapim nirqa: “Yuyaqyaq runakunaman leeytawan qillqayta yachachiypi llamkaqkunam alabaykiku yanapawasqaykikumanta”, nispa.
Testigokunapa chayna yachachisqankuwanqa yuyaqyaqkunawan jovenllaraq utaq sipasllaraq kaqkunapas yanapachikuchkankum. Hukninmi karqa Josefina, paymi 101 watanpiña leeytawan qillqayta yachananpaq matriculakurqa, chaymanmi rirqa iskay wata.
Chay nacionpiqa leeytawan qillqaytam yachachinku catellanopi hinaspa huk rimaykunapipas. 2013 watapim pusaq castamanta kaq runakuna leeytawan qillqayta yacharurqaku sapakama rimayninkupi.
Leeytawan qillqayta yachayqa ancha allinmi tukuy imamanta yachanapaq. Chaykuna allin kaptinpas bibliapi yachachikuykunamanta yachaymi aswan allinqa, chayqa librawanchikmi sasachawaqninchik mana allin ruwaykunamanta chaynataq pantay religionpi yachachisqanku costumbrekunamantapas (Juan 8:32).
^ par. 2 Organización de las Naciones Unidas para la Educación, la Ciencia y la Cultura.
Kaykunatapas leeykuy
RUNAKUNATAM YANAPANIKU
Waranqantin runakunam leeytawan qillqayta yachachkanku
Jehova Diospa testigonkunam leeytawan qillqayta enteron pachapi yachachirqaku, wakin runakunapa ima nisqankuta leey.
YACHANAPAQ
Jehova Diospa testigonkunaqa enteron pachapim Diosmanta willakunku
Jehova Diospa testigonkunaqa bibliamanta yachachisqankuwan enteron pachapi riqsisqam kanku. ¿Imaynatam chayta ruwanku hinaspa maymantam qullqita hurqunku?
