KAYNATAPAS ESTUDIACHWANMI
Estudiasqanchikta yuyarinapaqyá dibujasun
Yaqa llapanpim estudiasqanchikkunataqa mana yuyanchikchu. Ichaqa yuyanchikmi rikchanachiykunawan Jesuspa rimasqantaqa. ¿Imanasqa? Yuyayninchikpi qawachkay hina kasqanraykum. Chaynataqmi dibujokunata qawaspapas mana qunqasunchu. ¿Imatam chaypaq ruwachwan? Estudiaspanchikmi dibujokunata ruwachwan.
Achka runakunam cuentata qukurunku imapas chayllaraq yachasqankuta dibujaspa astawan yuyasqankuta. Dibujankuqa manamá suma-sumaqtaraqchu, aswanqa yuyanankupaq hinallam. Yachaysapa runakunam ninku chaynata ruwayqa yuyaqkunapaq aswan allin kasqanta.
Chaynaqa, estudiaspaykim dibujokunata ruwawaq. Chaynata ruwaspaykiqa cuentatam qukunki maynata yuyasqaykita.