2014 watapi 18 watayuqmanta 25 watayuqkama mozo-sipaskunata tapusqankuman hinaqa 100 mozo-sipaskunamantam 61 nirqaku India nacionpiqa manaraq casarakuchkaspa warmi-qari puñuyqa manaña hukman qawasqa kasqanta. Chay nacionmanta doctormi nirqa mozo-sipaskuna warmi-qari puñuspankuqa mana casarakuypi piensasqankuta. Nirqataqmi huk tutalla puñuruspankupas utaq unay tiempo riqsinakuspankupas mana casarakuypi piensasqankutapas.

¿HAYKAPIPAS TAPUKURQANKICHU? ¿Imataq astawan ñakariyta apamun casarakusqayki yanallaykiwan puñuychu icha hukwan-hukwan puñuychu? (1 Corintios 6:18).

Ayllupi llumpayta piñanakuyqa manam allinchu, chayna sasachakuy wasipi kaptinqa yuyayniyuq runakunam manaraq tiemponkupi wañunku. 11 watam Copenhague universidadmanta profesorkuna yaqa 10.000 yuyayniyuq runakunata qawarqaku imayna kawsakusqankuta. Qawarqakum hawka kawsakuq runakunamantaqa ayllunkuwan sapa kuti piñanakuqkuna manaraq tiemponkupi wañusqankuta. Huk kaqnin estudiaqmi nirqa sasachakuyta allichanapaq kallpanchakuyqa mana chaylla wañuyta tarinapaq yanapakusqanta.

IMATAM BIBLIA NIN: ‘Ancha yachayniyuqmi pisilla rimaq runaqa. Mana chaylla hukmanyaruqmi entiendeq runaqa’ (Proverbios 17:27).

Warmi-qari riqsinakusqanku tiempopi piñanakuqkunaqa casarakusqankumanta pichqa wata qipatam rakinakuyman chayanmanku, mana chayna kaqkunamantaqa. Manam allintataqchu kawsakunkupas, casarakusqankumantapas ñakakunkum. Chayna kasqantam ninku Luisiana llaqtapi 564 chayllaraq casarasqakunata qawaqkuna.

IMATAM BIBLIA NIN: ‘Runaqa manam rakinmanchu Diospa kuskanchasqantaqa’ (Mateo 19:6).