Kunan tiempopi achka casarasqakunam rakinakuyllapiña kanku, ichaqa kantaqmi sasachakuypi tarikuchkaspankupas mana rakinakuqkuna. Paykunataqa ¿imataq yanapan?

• Estados Unidos nacionpim, 1990 watamanta 2015 watakama achka casarasqakuna rakinakururqaku.

• Wakin runakunam ninku “warmakuna allin qispinanpaqqa azotespam uywana” nispanku. Wakinñataqmi ninku “kuyakuyllawanmi uywana” nispanku, chayraykum tayta-mamakunaqa wawa-churinku imayna uywayta mana yachankuchu.

• Musu-sipaskunapas vida pasanankupaq mana pipas yanapaptinkum sasachakunku.

Ichaqa manam chaynachu kanan.

• Atiwaqmi casado vidaykipi kusisqa kawsakuytaqa.

• Tayta-mamakunapas kuyakuywan wawa-churinku yanapaytaqa atinmankum.

• Musu-sipaskunapas allinta tantiaspankuqa yuyayniyuq kaspankum kusisqa kayta atinqaku.

Chaypaqqa, ¿imakunataq yanapasunkichikman? Kay ¡Rikchariy! qillqapim 12 yachachikuykunamanta yachachkasunchik.