Galaad Escuelapi Tukuqkunamanta (125 kaq grupo)

Misionerokunatam kallpanchanku Jeremias hina kanankupaq

JEHOVÁ DIOSPA Llaqtanpi Punta Apaq, Geoffrey Jackson iñiqmasinchikmi 6.156 huñunakuqkunata kaynata nirqa: “Kay escuelaqa mana qonqananpaq hinam”, nispa. Kay Galaad escuelaqa 125 kaqñam. Kay huñunakuymi apakurqa 2008 watapi septiembre killapa 13 punchawninpi. Kay escuelapi 56 estudiaqkunatawan yupaptinchikqa, 8.000 masnin misionerokunatañam “kay pachapa cantonkama” predicanankupaq kay Galaad escuelaqa kamachirqa (Hech. 1:8).

Chay huñunakuyta qallarichiq Geoffrey Jackson iñiqmasinchikqa tapurqataqmi: “¿Yaqachum confianapaq kasqaykichik yanapasunkichikman Diosmanta allinta yachachinaykichikpaq?”, nispa. Hinaspam tawa yanapakuykunata nirqa confianapaq runa kanapaq, chaykunaqa: runapa imayna kasqan, allin kawsakusqan, Bibliaman hina yachachisqan hinaspa predicayninta puntapi churasqanmi.

Comité de Redacción nisqapi yanapakuq David Schafer iñiqmasinchikñataqmi, “¿Yaqachum lliwta entiendewaqchik?”, niq discursota qorqa. Paymi Galaad escuelamanta lloqsiqkunata nirqa, Jehová Diosta mana saqespanku chaynataq ‘allin yuyayniyoq confianza sirvientepa’ rurasqanta reqsikuspallanku misionero kasqankuta entiendenankumanta (Pro. 28:5; Mat. 24:45).

Chaymantañataqmi Jehová Diospa llaqtanpi Punta Apaq John E. Barr iñiqmasinchik qorqa: “Amayá saqekuychikchu Dios kuyasusqaykichikmanta imapas rakisunaykichiktaqa”, niq discursota. Sumaq consejokunawanmi kay estudiaqkunata hinaspa tayta-mamankunatapas yanaparqa misionero hina llamkaymanta mana manchapakuspa allinta piensanankupaq. Nirqataqmi, “Diospa kuyakuyninpi takyaymi imamantapas aswan allinqa”, nispa. Diospa kuyakuyninmantaqa manamá pipas misionerokunataqa rakiyta atinmankuchu, kikinku mana rakikuptinkuqa.

Departamento de Escuelas Teocráticas, nisqapi llamkaq Sam Roberson iñiqmasinchikmi, chaypi huñunakuqkunata kallpancharqa llapallanku “aswan suma-sumaq kaq pachawan” churakunankupaq. Chay escuelapi kaqkunaqa Señorninchik Jesucristo hinam kanmanku, paypa vidanmanta estudiaspanku hinaspa yachachikuyninkunatapas rurayman churaspanku (Rom. 13:14). Chaymantañataqmi llamkaqmasin William Samuelson nirqa: Manam runakunapa imayna nisqankuwanchu pipas respetasqaqa kanku, aswanqa Diospaq imayna kasqankuwanmi, nispa.

Chay escuelapi yachachiq Michael Burnett iñiqmasinchikñataqmi, escuelapi kaqkunata tapurirqa predicasqankupi imakuna pasasqankumanta willakunankupaq. Chay estudiasqanku, Patterson (Nueva York), llaqta ancha predicasqa kaptinpas, tarirqakuraqmi Diosmanta yachay munaq runakunata. Chaymantapas kimsa punchaw asambleakunapa rurakunan oficinapi llamkaq Gerald Grizzle iñiqmasinchikmi, kimsa wawqenchikkunata tapurirqa. Paykunam Escuela para Miembros de Comités de Sucursal nisqapi yachachisqa kachkarqaku. Kay kimsa wawqenchikkunapa nisqankunam Galaad escuelamanta lloqsiqkunata yanaparqa, predicananku nacionpi imakuna ruranankumanta musyarinankupaq.

 Jehová Diospa Llaqtanpi Punta Apaq hinaspa Galaad 42 kaq grupo escuelamanta lloqsiq David Splane iñiqmasinchikñataqmi, “Jeremias hina kaychik”, niq discursota qorqa. Predicananpaq Jeremias manchapakuptinpas, Jehová Diosqa kallpancharqam (Jer. 1:7, 8). Chaynallataqmi mosoq misionerokunatapas Diosqa yanapanqa. Nirqataqmi: “Pi iñiqmasikiwanpas sasachakuypi kaspaqa, tiyaykuspa qellqay chunka sumaq kayninkunata. Mana chunkaman haypaspaykiqa, manam allintaraqchu reqsinki chay iñiqmasikita”, nispa.

Jeremiasqa tukuy imata saqespanmi Jehová Diosta servirqa. Kamachikuy chaskisqanta saqeruyta munaspanmi Jehová Diosta mañakurqa, hinaspam yanapakuyninta chaskirqa (Jer. 20:11). David Splane iñiqmasinchikqa nirqataqmi: “Hukmanyasqa tarikuspaykichikqa Diosman willakuychik hinaspam yanapakuyta chaskinkichik”, nispa.

Kay huñunakuypa tukuyninpiñataqmi, wawqenchik Jackson lliw chaypi kaqkunata yuyarichirqa, estudiaqkuna confianapaq runa kanankupaq imakuna yanapananmanta yachasqankuta. Hinaspa predicananku lawman chayaruptinkuña, confianapaq runa kasqanku Diosmanta willakunankupaq astawan yanapananmanta (Isa. 43:8-12).

[22 kaq paginapi recuadro]

ESTUDIAQKUNAMANTA WILLAKUYKUNA

Hayka nacionkunamantam kanku: 6

Hayka nacionkunamanmi rinku: 21

Haykam kanku: 56

Hayka watayoqmi yaqa llapallanku kanku: 32,9

Hayka watañam yaqa llapallanku Diosta servinku: 17,4

Hayka watañam yaqa llapallanku precursor hina Diosta servichkarqaku: 13

[23 kaq paginapi foto]

Galaad Watchtower Escuelapi 125 kaq grupo

Numerokunaqa churasqam kachkan ñawpaqmanta qepaman, sutikunañataqmi ichuq lawmanta alliq lawman.

1) Hodgson, A.; Wall, A.; Beerens, K.; Hortelano, M.; Newman, L.; De Caso, A. 2) Jenkins, J.; Jarzemski, T.; Méndez, N.; Corona, V.; Canalita, L. 3) Fryer, H.; Savage, M.; Tidwell, K.; Erickson, N.; Dyck, E.; McBeath, R. 4) Pérez, L.; Puse, L.; Skidmore, A.; Young, B.; McBride, N.; Rondón, P.; Goodman, E. 5) Beerens, M.; Ferguson, J.; Pearson, N.; Chapman, L.; Wardle, J.; Canalita, M. 6) Pérez, P.; De Caso, D.; Young, T.; Rondón, D.; Goodman, G.; Jenkins, M.; Dyck, G. 7) Corona, M.; Wall, R.; Puse, S.; Méndez, F.; Jarzemski, S.; Savage, T. 8) Newman, C.; Ferguson, D.; Skidmore, D.; Erickson, T.; McBride, J.; Pearson, M.; Chapman, M. 9) Hodgson, K.; Wardle, A.; McBeath, A.; Tidwell, T.; Fryer, J.; Hortelano, J.