Kusisqa hinaspa tukuy sonqomanta qosun

IMAYNA qonamantam Pablo kaynata qellqarqa: “Sapakamayá qochun sonqonpi tanteasqanman hina, ama llakikuspachu nitaq obligasqachu, Diosqa kuyan kusikuywan qoqtam”, nispa (2 Cor. 9:7). Jehová Diosqa manam pitapas obliganchu cheqap yupaychayta yanapananpaqqa. Aswanqa munanmi sonqomanta hinaspa kusikuywan qospanku kuyasqankuta serviqninkuna qawachinankuta. Ñawpaq tiempomantaraqmi llaqtanpi kaqkunaqa kusisqallaña qorqaku. Qawasunyá 3 ejemplokunata.

Israelitakunata Jehová Dios Egiptomanta libraruspanmi kamachirqa yachanan karpanta ruranankupaq hinaspa chaypaq necesitakuqta qonankupaq. Chaymi ‘sapakama sonqonmanta voluntadniyoqkuna’ apamurqaku qorita, qollqeta hinaspa huk ofrendakunatapas. Runakunaqa achkallatañam qorqaku, chaymi willachirqaku amaña qonankupaq (Exo. 35:5, 21; 36:6, 7).

Pachaknintin watakuna pasaruptinmi templota rurarqaku, kaqllamantam Diospa  llaqtanqa cheqap yupaychay yanapasqankuta qawachirqaku. Rey Davidmi achkallataña qorqa, israelitakunatapas kallpancharqam sonqonkumanta qonankupaq. Paykunapas qorqakum, qoriwan qollqe qosqankuqa 100.000 millon masnin dolarmi kunanqa valenman. ¿Imaynam tarikurqaku? Bibliam nin sonqonkumanta qosqankuwan israelitakuna kusikusqankuta (1 Cro. 29:3-9; 2 Cro. 5:1).

Jesuspa punta qatiqninkunapas qokuykuq kasqankutam qawachirqaku. Pentecostes 33 watapim 3.000 runakuna bautizakurqaku, achkam mana Jerusalen llaqtayoqchu karqaku. Chaymi Diosmanta astawan yachanankupaq mana achka qollqeyoq qepaqkunata yanapanankupaq, cristianokunaqa chakrankutawan imapas kapuqninkuta rantikurqaku hinaspam apostolkunaman qollqeta aparqaku. ¡Maynatachá Diosta kusichirqa chayta ruraspanku iñisqankutawan kuyakuyninkuta qawachisqankuqa! (Hech. 2:41-47.)

Kunanpas cristianokunaqa Diospa Gobiernonpaq llamkaytam yanapanku: tiemponkuta, kallpankuta hinaspa kapuqninkuta kusisqa hinaspa tukuy sonqomanta qospanku. Qatiqnin recuadrom qawachichkan imayna yanapanamanta.

[18-19 kaq paginakunapi recuadro]

KAYNATAPAS YANAPACHWANMI

ENTERON PACHAPI PREDICACIONTA

Achka iñiqmasinchikkunam qollqenta rakinku “Allpantinpi predicacionta yanapanapaq” (Obra mundial) sutichasqa cajachapi churanankupaq.

Congregacionkunam chay qollqeta sapa killa apachinku nacionninpi Jehová Diospa testigonkunapa oficinanman otaq Betelman. Sonqonkumanta qollqe qosqankutaqa apachinmankutaqmi kay direccionmanpas: Watchtower Bible and Tract Society of New York, Inc., Attention Treasurer’s Office, 25 Columbia Heights, Brooklyn, New York 11201-2483, otaq nacionninpi Betelmanpas. (Qatiqninpi nisqanman hina sonqomanta qosqankutapas, sapa nacionpi Betelmanmi apachinmanku.) Nisqanchik direccionman chequepi apachispaqa “Watchtower” nisqa sutitam churana. Qochwantaqmi alhajakunatapas otaq huk valorniyoq kaqkunatapas, chayna kaptinqa cartayoqtam apachina mana imallapaq qosqamanta qellqaspa.

QONMANKUM KUTICHIPUSQA KANANPAQ

Qollqenkutam qonmanku Asociación de los Testigos de Jehová nisqaman, enteron Pachapi Diospa Gobiernonmanta willakuypi servichikunanpaq, necesitaspankuqa mañanmanmi kutichipunanpaq. Astawan yachanaykipaqqa qayay kay numerota (01) 434-1474 otaq kay recuadropa tukuyninpi rikurimuq direccionman qellqay.

TANTEASPA QONAMANTA

Mana imallapaq sonqomanta qollqeta qospanchikpas, atichwanmi allpantinpi predicacionta yanapanapaq kayna qoytapas:

Bancopi qollqeta. Bancopi qollqe churasqanchikta, qollqe churasqanchikpa mirayninta hinaspa jubilakuptinchik churamusqankutapas qonchikmanmi Asociación de los Testigos de Jehová nisqaman, necesitaptinchik kutichipuwananchikpaq otaq wañukuptinchik paykunaman qosqa kananpaq, chaytaqa rurana bancopi leykunaman hinam.

Hukkunawan empresata ruraspa. Atinchikmanmi empresapi tupawaqninchik qollqeta Asociación de los Testigos de Jehová nisqaman qoyta hinaspa wañukuptinchik tupawaqninchik qollqe saqeytapas.

Allpata otaq wasitapas. Mana imallapaqmi qochwan rantikuy atina allpata otaq wasitapas, ichaqa chaypiraq yachaptinchikqa wañukunakamam ñoqanchikpaq kanqa. Manaraq qochkaspaykim rimarinayki nacionnikipi Betel wasiwan.

Sapa wata impuesto pagananchiktapas. Acuerdota ruraspam sapa wata tukuyta impuesto pagananchik qollqeta qochwan Asociación de los Testigos de Jehová nisqaman, paykunañataqmi watapi huk kutita qonman nisqanchik runaman. Kayna qosqanchikmi wata tukuypi impuesto pagananchikta menosyachin.

Testamento hinaspa acuerdota ruraspa qonamanta. Qonchikmanmi imapas kapuqninchikta otaq qollqenchiktapas Asociación de los Testigos de Jehová nisqaman notariopi testamentota ruraspa otaq necesitaptinchik kutichipuwananchikpaq qosqanchikpas wañukuptinchik paykunapa kananpaq. Chaynata paykunaman qosqanchikqa impuesto pagananchiktam menosyachinman.

“Tanteaspa qonamanta” nisqanmi qawachin, pipas chaynata qoq tanteaspa rurananta. Jehová Diospa testigonkunapa allpantinpi predicasqankuta yanapay munaqkunapaqmi inglespiwan castellanopi huk folleto kachkan, sutinmi: Donaciones planificadas para favorecer el servicio del Reino en todo el mundo. Kay folletom willachkan qollqenchikta hinaspa kapuqninchikta imayna qonamanta. Leeruspa hinaspa negocionku qawaqta otaq abogadonta tapuspankum, achka runakunaqa Jehová Diospa testigonkunapa allpantinpi predicasqankuta yanapanku, paykunapas kayta ruraspankuqa menostam impuestota paganku. Chay folletota munaspankuqa mañakunmankum nacionninpi Betelmanta apachimunankupaq.

Astawan yachayta munaspaykiqa qellqay otaq telefonowan qayay nacionnikipi Betel wasita:

Asociación de los Testigos de Jehová

Jr. El Cortijo 329

Monterrico Chico, Lima 33

Apartado 18-1055 Lima, Perú

Teléfono: (01) 434-1474