Taksacha kaspanpas hatun sonqoyoq

QAYNALLAM Brasil nacionniyoq 9 watanpi kaq warmi warmacha, churakusqan 43 dolar qollqenta iskaypi rakinarurqa. Congregacionninpa gastonkunapaqmi Salonpi qollqe churana cajaman 18 dolarta churarqa. 25 dolartañataq nacionninpi Jehová Diospa testigonkunapa oficinanman otaq Betelman apachirqa, kayna niq cartayoqta: “Tukuy sonqoymantam qoni allpantinpi predicacionpaq. Yanapaytam munani cristianokunapa allpantinpi allin noticia willasqankuta. Jehová Diosta kuyaspaymi sonqoymanta qoni”, nispa.

Tayta-mamanmi yachachirqa atisqanman hina predicacionpi yanapayqa ancha allin kasqanta. Chaynataq yachachirqaku ‘tukuy kapuqninwan’ Diosta alabananpaqpas (Pro. 3:9). Llapallanchikyá kallpanchakusun kay warmachata qatipakunapaq, Diospa Gobiernonmanta willakuyta llaqtanchikpi otaq enteron Pachapi yanapanapaq.