¿Yuyachkankichu?

¿Leerqankichu qaynakunalla chaskisqayki Llaqta Cuidaq revistakunata? Hinaspaqa yaqapaschá kay tapukuykunata kutichiwaq:

• ¿Ima kimsa yanapakuykunataq yanapawanchik runakunapa mana honrado kasqankuta mana qatipakunapaq?

Qawasun: 1) Jehová Diostam respetananchik (1 Ped. 3:12); 2) conciencianchikmi Bibliawan allin yachachisqa kanan, hinaspa 3) kapuqllanchikwanmi kusisqa kananchik (15/4, págs. 6, 7).

• Diospa munayninta puntapi churaspaqa, ¿manachu haykapipas kusirikuchwan?

Jesusmi ejemplonta saqewarqanchik. Payqa tiempochakurqam amistadninkunawan mikuspan kusirikunanpaq, payqa manam piñasqa hinaqa karqachu. Warmachakunapas kusikurqakum payman asuykuspankuqa (15/4, pág. 10).

• ¿Imatam tayta-mamakuna ruranmanku churi-wawan naceruptin sasachakuypi tarikuspanku?

Ancha allinmi kuyanakuyninkuta qawachinakuyninku. Qosam anchata kallpanchakunan señoran hawka tarikunanpaq. Chaymantapas iskayninkum rimanakunanku imayna tarikusqankumantawan imapas necesitasqankumanta (1/7, págs. 19, 20).

• ¿Imatam qawachin Romanos 11 capitulonpi aceitunas sachamanta rimasqan?

Kay rikchanachisqa sachaqa tupantaqmi Abrahampa mirayninmanta hanaq pachaman rinankupaq suyakuyniyoq kaqkunawan. Aceitunas sachapa sapinqa tupanmi Jehová Dioswan, kullunñataqmi tupan Jesuswan. Yaqa llapallan judiokuna Jesusta qepancharusqankuraykum, Jehová Diosqa mana judio cristianokunata “injertarqa”, chaynapi Abrahampa mirayninmanta kaq hanaq pachaman rinankupaq suyakuyniyoq kaqkuna llapallanña kananpaq (15/5, págs. 22-25).

• ¿Ima sumaq willakuykunam kan wakchakunapaq?

Diosmi Churinta akllarqa Rey kananpaq. Jesusmi pimantapas ancha allin kamachikuqqa. Payqa atiyniyoqmi llapallan runakunata kamachinanpaq; llakipayakunmi wakchakunamanta hinaspa imarayku wakcha kasqankutapas chinkarachinmanmi (1/7, pág. 7).

• Sichu Jesuspa mana pantaq mirayninkuna kanman karqa, ¿yaqachu runakunapa rantinpi wañunankupaq servinmanku karqa?

Manamá. Jesusqa atinmanmi karqa mana pantaq churiyoqkuna kayta, ichaqa manam chay mirayninkunaqa runakunapa rantinpi wañunankupaqqa servinmanchu karqa. Mana pantaq Jesuspa vidallanmi allintapuni tupan Adanpa vidanwanqa (1 Tim. 2:6) (15/6, pág. 13).

• ¿Imaynatam qawachinchik Hechos 20:29, 30 nisqanman hina llulla yachachiqkunamanta karunchakusqanchikta?

Manam rimaykunchikchu nitaq wasinchikpipas chaskinchikchu (Rom. 16:17; 2 Juan 9-11). Manataqmi haykapipas leenchikchu nitaq uyarinchikchu televisionpi otaq Internetpi yanqa willakusqankutaqa (15/7, págs 15, 16).