¿Yuyachkankichu?
¿Leerqankichu qaynakunalla chaskisqayki Llaqta Cuidaq revistakunata? Hinaspaqa yaqapaschá kay tapukuykunata kutichiwaq:
¿Imatam rurachwan congregacionpi ninata mana ‘ratarachinapaq’?
Allinmi kanman sonqonchikpi imakuna kasqanmanta puntata qawakuyninchikqa. Iñiqmasinchikmanta mana allinta rimanamantaqa imanasqa paymanta rimapakuq kasqanchikmantam tapukunanchik. Ichapas munanchik imapas rurasqanchikmanta ñoqanchikta alabawananchikta otaq pimantapas aswan reqsisqa kayta. Yuyarisun, hukkunamanta rimapakuyqa astawanraqmi imakunatapas sasachan (15/8, 21 paginapi).
¿Imakunam pasakunqa Diospa piñakuynin punchaw manaraq qallarichkaptin?
Kay Pachapi kamachikuqkunam ninqaku: “Hawkañam, seguroñam kachkanchik”, nispanku. Lliw pantay religionkunam puchukachisqa kanqaku hinaspam Jehová Diospa llaqtanpa contranpi hoqarikunqaku. Chaymantam Armagedon guerra kanqa hinaspam Satanaswan demonionkuna wichqasqa kanqaku (15/9, 4 paginapi).
¿Imaynatam yanapawasun puchukay punchaw chayamunanta mana yachasqanchik?
Yanapawasunmi: sonqonchikpi imayna kasqanchikta qawachinapaq. Jehová Diospa sonqonta kusichinapaq. Kikillanchikpi mana llumpayta piensaspa hukkunata yanapanapaq hinaspa tukuy sonqowan Diosta servinapaq. Jehová Diospi astawan hapipakunapaqwan Diospa Palabranpa nisqanta kasukunapaq. Yanapawasuntaqmi sasachakuykuna kaptin iñiyninchik allin takyasqa kananpaqpas (15/9, 24 hinaspa 25 paginakunapi).
¿Imakunataq qawachin warmikunata Dios valorasqanta?
Diospa kamachikuyninkunaman hinaqa, Israel nacionpi warmikunaqa libre hinaspa educacionniyoqmi karqaku. Chaymantapas, israelitakunaqa respetasqa hinaspa amparasqam kananku karqa (1/10, 5-7 paginakunapi).
¿Apocalipsis 1:16, 20 nisqan textopi Jesuspa ‘alleq [makinpi] kaq qanchis lucerokunaqa’ pikunamantaq tupan?
Hanaq pachaman rinankupaq suyakuyniyoq ancianokunamanmi tupan, tupantaqmi congregacionpi llapallan ancianokunamanpas (15/10, 14 paginapi).
Isaias 50:4, 5 nisqanman hinaqa, ¿imaynatam Jesus qawachirqa humilde kasqanta?
Chay versiculokunam nin ‘consuelaq palabrakunata rimaq’ ‘mana qepaman kutisqanmanta’. Yachayta munaspanmi Jesusqa humildadwan Taytanpa tukuy yachachisqanta uyarirqa. Payqa qawarqataqmi Taytan humillakuspan huchayoq runakunaman kuyakuyninta qawachisqantapas (15/11, 11 paginapi).
