¿Leerqankichu qaynakunalla chaskisqayki Willakuq revistakunata? Hinaspaqa yaqapaschá kay tapukuykunata kutichiwaq:

¿Haykapim Jesusqa ‘preso kaq espiritukunaman’ willamurqa? (1 Ped. 3:19.)

Yaqachusmi kawsarimusqan qepamanña Jesusqa chay mana allin espiritukunaman castigasqa kanankumanta willarqa (15/6, 23 paginapi).

¿Haykapitaq Jesusqa ‘ovejakunatawan’ ‘cabrakunata’ juzganqa? (Mat. 25:32.)

Llumpa-llumpay ñakariy punchawkunapi hamuspanmi, lliw pantay religionkunata chinkachisqan qepaman (15/7, 6 paginapi).

Jesuspa rikchanachisqanpi cebadillawan tupanachisqa cristiano tukuqkuna, ¿haykapitaq waqayllawanña kirunkutapas kirichichinqaku? (Mat. 13:36, 41, 42.)

Chayqa kanqa llumpa-llumpay ñakariy punchawkunapim, maymanpas mana riyta atispanku (15/7, 13 paginapi).

¿Haykapitaq allin yuyayniyoq confianza sirvientemanta Jesuspa rimasqanqa cumplikun? (Mat. 24:45-47.)

Manam Pentecostes 33 watapichu cumplikuyta qallaykurqa, aswanqa 1914 watapa qepanmanñam. Arí, 1919 watapim paykunata Jesusqa churaykurqa sirvientemasinkunaman otaq lliw cheqap cristianokunaman mikuchinanpaq (15/7, 21-23 paginakunapi).

¿Haykapitaq Jesusqa tukuy kapuqninkunapiña nanachikunanpaq confianza sirvienteta churanqa?

Chayqa kanqa llumpa-llumpay ñakariy punchawkunapim, confianza sirviente hanaq pachapi premionta chaskiruptin (15/7, 25 paginapi).

Dios yanapaptinpas, ¿imataq 230 Testigokunata yanaparqa Sachsenhausen sutiyoq carcelmanta purisqankupi mana wañunankupaq?

Qalaypaq pisipasqa, yarqaymanta hinaspa onqosqa kaspankupas, paykunaqa kallpanchanakurqakum hinalla purinankupaq (15/8, 18 paginapi).

Israel runakuna Prometesqa Allpaman rispanku Jordan mayuta chimpasqankumanta Bibliapa willakusqan, ¿imaynatam kallpanchawanchik?

Jordan mayu tukuy patankama huntaruspan richkaptinmi Jehova Diosqa sayarachirqa serviqninkuna chimpanankupaq. Chayna ruwasqanqa, maynatachá Israel runakunapa iñiyninkuta kallpancharqa hinaspapas astawanraqchá Jehova Diospi hapipakurqaku. Bibliapa chay willakusqanqa ñoqanchiktapas kallpanchawachwanmi (15/9, 16 paginapi).

¿Imaynatam kunan tiempopi cumplikuchkan qanchis michiqkunamantawan pusaq ancha reqsisqa runakunamanta Miqueas 5:5 willakusqan?

Yachanchikmi Miqueas 5:5 nisqanpi willakusqanqa congregacionpi ancianokunawan tupasqanta. Paykunam Diospa serviqninkunata kallpanchanku hamuq tiempopi enemigonkuna contrankupi hoqarikamuptinku iñiyninkupi allinta takyanankupaq (15/11, 20 paginapi).