Bibliataqa manam chinkachiyta atirqakuchu, chaymi kunanqa biblia leeyta atinki. Bibliata leenaykipaq allinta akllaspaykiqa manam iskayrayankichu imam kaqta yachachisqanmantaqa. * Ichaqa ¿imanasqataq bibliaqa mana chinkarqachu imapi qillqasqa kasqan mawkayaruptinpas, chinkachiyta munaptinkupas hinaspa textonkunata cambiayta munaptinkupas? ¿Imataq bibliapiqa kachkan?

Bibliata leeqkunam apostol Pablo hina ninku: “Diospa llapallan qillqanqa paypa yuyay qusqanwan qillqasqam kachkan”, nispa (2 Timoteo 3:16). Manam iskayrayankuchu bibliaqa kikin Diospa palabran kasqanmanta hinaspa paypuni kunankama waqaychasqanmantapas. Qallariyllanpi rimamusqanchik Faizal sutiyuq runaqa, tapukuyninkunamanta bibliawan kikin yachananpaqmi tantearurqa. Kusisqam tarikurqa tukuy yachasqanwan, musyarurqam wakin religionkunapa yachachisqankunaqa bibliapa yachachikuyninkunawan mana tupasqanta. Kusikurqataqmi kay allpawan Dios ima ruwananmanta yachasqanwanpas.

Faizalmi nin: “Manam iskayrayanichu kapuwaqniy bibliaqa Diospa palabran kasqantaqa. Tukuy imatapas Diosmi unancharqa, paytaqmi palabrantapas quwarqanchik hinaspa waqaycharqapas. Mana chayna kasqanta nispaqa Dios mana atiyniyuq kasqantachiki nichkachwan. Ñuqaqa manam chaytaqa niymanchu”, nispa (Isaias 40:8).