Manam pipas wañuymantaqa librakuchwanchu. Ichaqa ¿wañukuspaqa chayllapichu tukurunchik? ¿Wañukuqkunaqa qunqasqañachu kanku? ¿Wañukuqkunaqa kawsarimunqakuchu?

DIOSQA MANAM QUNQANCHU WAÑUKUQKUNATAQA

Juan 5:28, 29 nin: ‘Sepulturapi llapallan kaqkunam [...] kawsarimunqaku’, nispa.

Diosqa yuyachkanmi wañukuqkunataqa chaymi kawsarichinqa.

WAÑUKUQKUNAQA KAY ALLPA PACHAPIM KAWSARIMUNQAKU

Hechos 24:15 nin: ‘Allin ruwaq hinaspa mana allin ruwaq runakunam kawsarimunqaku’, nispa.

Wara-waranqantin runakunam kawsarimunqaku, hinaspam kay allpa pachanchikpi wiñaypaq hawka kawsakunqaku.

¿IMANASQATAQ MANA ISKAYRAYACHWANCHU WAÑUQKUNA KAWSARIMUNANKUMANTA?

Salmo 147:4 nin: “[Diosninchikqa] hayka chaskakuna kasqanta yupaqmi, sapa chaskakunatam sutinmanta qayan”, nispa.

Diosninchikqa sapa chaskakunatapas sutin-sutinmi riqsin, chaymi payqa yuyan pikunata kawsarichinanmantapas.