¿IMATAQ YANAPAWACHWAN MANAÑA CHIQNINAKUNAPAQ?
1 | Mana sayapakuqyá kasun
Bibliapim nin:
‘Diosqa mana pimanpas sayapakuqmi, Diosqa chaskinmi lliw nacionkunapi respetaqnin hinaspa allin ruwaq runataqa’, nispa (HECHOS 10:34, 35).
¿Imatam yachachwan?
Jehova * Diosqa maymantaña kaptinchikpas lliw runakunatam kuyawanchik. Payqa manam imayna kasqanchiktachu qawan, aswanqa imayna sunquyuq kasqanchiktam qawan. Bibliam nin: ‘Runaqa qawan hawallantam, ñuqam ichaqa qawani sunqunta’, nispa (1 Samuel 16:7).
Kaypaqyá kallpanchakuy:
Runakunapa sunqunpi ima kasqanta mana yachaspanchikpas Jehova Diosta qatipakuspayá kallpanchakusun sapakamata llakipayananchikpaq. Huklawmanta kasqanrayku utaq imayna kasqanrayku pitapas chiqnispaykiqa Diostayá mañakuy manaña chiqnikuq kanaykipaq (Salmos 139:23, 24). Amayá iskayrayaychu, Diosqa yanapasunkim mana chiqnikuqña kanaykipaq (1 Pedro 3:12).
^ parr. 6 Diospa sutinmi Jehova (Salmos 83:18).
“Manaraq bautizakuchkaptiymi gringo kaq testigo wasinpi mikunaykupaq qayaykuwarqa, chaytaqa manam piensayllapas-piensarqanichu”(TITUS).
Kaykunatapas leeykuy
¡RIKCHARIY!
Imatam Biblia nin castakunapa cheqninakusqankumanta
¿Lliw castakunachu igualla kanchik? ¿Haykapipas tukunqachu castakunapa cheqninakusqan?
