¿IMATAQ YANAPAWACHWAN MANAÑA CHIQNINAKUNAPAQ?
2 | Mana vengakuqyá kasun
Bibliapim nin:
“Pipas mana allinta ruwasuptikichikqa amayá mana allinwanqa kutichiychikchu. [...] Atisqaykichikman hinayá kallpanchakuychik llapallan runakunawan hawkalla kanaykichikpaq. Kuyasqallaykuna, amayá vengakuychikchu, [...] qillqasqamiki kachkan: ‘Ñuqam vengakusaqqa, ñuqataqmi mana allin ruwasqanmanta pagapusaq’ ninmi Jehova Dios”, nispa (ROMANOS 12:17-19).
¿Imatam yachachwan?
Wakinpiqa runamasinchik imawanpas ñakarichiwaptinchikqa piñakunchikmi, ichaqa manam vengakunanchikchu. Diosmi kallpanchawanchik mana vengakuq kananchikpaq. Payqa manapas unaymantam mana allinkunata chinkachinqa (Salmos 37:7, 10).
Kaypaqyá kallpanchakuy:
Vengakuptinchikqa sunqunchikpi chiqnikuymi astawan wiñan. Chaymi kallpanchakunanchik hawkalla kanapaq hinaspa mana vengakuq kanapaq (Proverbios 19:11). Wakinpiqa allintaqmi kanman pipas mana allinkunata ruwarusuptikiqa utaq imaykitapas suwarusuptikiqa autoridadman quejakuyniki.
Vengakuyqa astawanmi chiqninachiwanchik hinaspa sasachawanchik
Piwanpas sasachakuynikita chaylla allichayta mana atispaykiqa amayá vengakuychu. Aswanqa ‘Diospiyá hapipakuy’, hinaspayá llapallan sasachakuynikita paypa makinpi saqiykuy, payqa yanapasunkim (Salmos 37:3-5).
Kaykunatapas leeykuy
BIBLIAM IMAYNA KAWSASQANTA CAMBIARQA
Mana allin ruwaykunatam tukuchiyta munarqa
Rafika sutiyuq warmim mana allin ruwaykunata tukuchiyta munaspan huk runakunawan hukllawakurqa. Ichaqa, chaymantam Diospa munaychakuynin hawkayayta hinaspa allin ruwayta apamunanmanta yacharurqa.
