WILLAKUQ 2023−1 kaq | Bibliam yanapawanchik yuyayninchikpi allin tarikunapaq
Enteron pachapim achkallay-achka runakuna ñakarillanku yuyayninkupi mana allin tarikuspanku (problemas de salud mental). Chaynam tarikunku uchuypas, hatunpas, wakchapas, apupas, may llaqtayuqpas utaq ima religionniyuqña kaqpas. Ichaqa ¿imaynatam unqunku yuyayninkupi mana allin tarikuqkuna? Kay qillqam sumaqta yachachichkan chaywan unquspaqa doctorman rinamanta. Yachachichkantaqmi bibliapa yachachikuyninkuna sumaqta yanapakusqanmantapas.
Achka runakunam yuyayninkupi mana allin tarikuchkanku
Yuyayninkupi unquqkunaqa kanmankum apupas, wakchapas, warmapas chaynataq machu-payapas. Kay qillqam bibliapa nisqankuna chayna runakunata imayna yanapasqanmanta yachachichkan.
Diosqa yanapaykusunkim
¿Imaynanpitaq mana iskayrayananchikchu Jehova Dios ima llakinchiktapas hinaspa ima piensasqanchiktapas allinta yachasqanmanta?
1 | Mañakusqanchikta Dios uyariwasqanchikmanta: “Ima llakikichiktapas Diospa makinpi saqiychik”
¿Diosmanqa willakuchwanchu ima llakinchiktapas, ima preocupacionninchiktapas? ¿Imaynatam yanapan Diosta mañakusqanku llumpay llakisqallaña tarikuqkunata?
2 | Palabranwan Dios sunqunchikta tiyaykachisqanmanta
Bibliam niwanchik imapas llakichiwaqninchik chaynataq hukmanyachiwaqninchik kaqkunata Dios chinkachinanmanta.
3 | Serviqninkunamanta palabranpi Dios willawasqanchikmanta
Bibliam willawanchik Diosta serviq achka runakuna tukuy ima pasasqankumanta, willawanchiktaqmi llakinkumanta hinaspa hukmanyasqa tarikusqankumantapas. Paykunamanta leespaqa yachasunmi ñuqanchik hina sientekusqankumanta.
4 | Allinninchikpaq bibliapi yachachikuykunamanta
Bibliapa nisqankuna hinaspa imakunata ruwanaykipaq tantiasqaykikunam yuyaynikipi allin kanaykipaq yanapasunkiman.
¿Imaynatam yanapachwan yuyayninkupi mana allin tarikuqkunata?
Yuyayninpi mana allin tarikuq amistadnikita utaq aylluykita yanapayqa ancha allinmi kanman.
