Bibliam willawanchik Diosta serviq achka runakuna tukuy ima pasasqankumanta, willawanchiktaqmi llakinkumanta hinaspa hukmanyasqa tarikusqankumantapas. Paykunamanta leespaqa yachasunmi ñuqanchik hina sientekusqankumanta.

Llapallanchikmi munanchik pipas entiendeykuwananchikta, astawanraqmi depresion, ansiedad utaq chayman rikchakuq unquywan kaspaqa. Chaymi bibliapi Diosta serviqkuna imayna tarikusqankumanta leespaqa yachasun ñuqanchik hina paykunapas sientekusqankumanta. Chaywanmi cuentata qukusun mana ñuqallanchik chayna unquykunawan kasqanchikmanta.

• Bibliapim willawanchik Diosta serviqkuna hukmanyasqallaña kaspanku ima nisqankumanta. Ichaya ñuqanchikpas kaynata nirqanchik: “Manañam aguantaniñachu, kaynaqa manañam kawsaymanchu”, nispa. Yaqa chaynatam Moisespas, Eliaspas chaynataq Davidpas nirqaku (Numeros 11:14; 1 Reyes 19:4; Salmos 55:4).

• Bibliam Ana sutiyuq warmimanta willawanchik. Payqa llumpay llakisqam tarikullarqa wawayuq kayta mana atisqanrayku hinaspa qusanpa huknin warmin paymanta anchata burlakusqanrayku (1 Samuel 1:​6, 10).

• Bibliapiqa willawanchiktaqmi Job sutiyuq runamantapas. Ichapas qamqa Job hina sientekunki. Payqa allin iñiyniyuq kachkaspanpas llumpay llakisqam tarikurqa, chaymi kaynata nirqa: “Amiruniñam kayna kawsaytaqa, manañam munanichu kawsakuytaqa”, nispa ( Job 7:16).

Paykunaqa chaynata piensachkaspankupas atirqakum chay mana allin piensasqankuta saqiyta. Ñuqanchikpas paykuna hinam llakinchikkuna atipayta atichwan.