Librawaqninchik Jehova Diospaqyá astawan llamkasun
“Jehova Diospa espiritunpa kasqanpiqa pipas librem” (2 COR. 3:17).
1, 2. (1) ¿Imanasqam Pablopa tiemponpi runakunaqa libre kayta munarqaku? (2) Pablopa nisqanman hinaqa, ¿pimantam hamun chiqaptapuni libre kayqa?
ROMA nacionpi runakunaqa kusisqallañam tarikurqaku kamachikuykunata cumplispanku, allin kaqkunata ruwaspanku hinaspa libre kawsakuspanku. Ichaqa Roma nacionqa ancha riqsisqa hinaspa atiyniyuqmi karqa sirvientenkuna kasqanrayku. Huk tiempopim chay nacionpiqa kimsa runakunamanta huk runa sirviente karqa. Paykunaqa munarqakuchá chayna kasqanku tukunanta, chaypi yachaq Jesuspa qatiqninkunapas chaytachá munarqaku.
2 Apostol Pablom achka kutita qillqarqa libre kawsakuymanta. Ichaqa manam chay tiempopi runakuna hinachu ruwayta munarqa. Aswanmi Pabloqa hinaspa wakin iñiqmasinkunapas anchata kallpanchakurqaku 2 Cor. 3:17).
runakunaman Diospa munaychakuyninmanta hinaspa ñuqanchikrayku Jesuspa wañusqanmanta willakunankupaq. Pabloqa yachachirqam chiqaptapuni libre kayqa maymanta hamusqanta. Corinto llaqtapi iñiqmasinkunaman iskay kaq cartanta qillqaspanmi nirqa: “Jehova Diosqa espiritum, Jehova Diospa espiritunpa kasqanpiqa pipas librem”, nispa (3, 4. (1) ¿Imamantam Pablo rimarqa manaraq 2 Corintios 3:17 nisqanmanta rimachkaspan? (2) ¿Imatam ruwananchik libre kawsakunanchikpaqqa?
3 Hina chay cartanpitaqmi Pablo qillqarqa Moisesta ima pasasqanmanta. Moisesmi Sinai urqupi Jehova Diospa angelninpa qayllanpi kasqanmanta kutirqa, hinaptinmi uyanqa achki hina kancharirqa. Chayta qawaspankum Israel runakunaqa llumpayta mancharikurqaku, chaymi Moisesqa uyanta telawan tapakururqa (Ex. 34:29, 30, 33; 2 Cor. 3:7, 13). Chaymanta rimaspanmi Apostol Pablo nirqa pipas Jehova Diosman kutirikuptinqa, ‘tapaqnin tela’ manaña kasqanmanta (2 Cor. 3:16). ¿Imatam kaywan niyta munachkarqa?
4 Pasaq yachachikuypi yachamusqanchikman hinaqa, Jehova Diosllam tukuy ima unanchaq kasqanrayku imapas munasqanta ruwanman. Chaymi paypa kasqanpiqa hinaspa espiritunpa kasqanpiqa pipas libre kawsakun. Chayna libre kawsakunapaqqa Jehova Diosmanmi kutirikunanchik. Kaywanqa nichkanmi paywan kuyachikunapaq kallpanchakunamanta. Chunniqninta illaq Israel runakunaqa manam Diospa piensasqanman hinachu piensarqaku. Chayna piensayninkuqa karqa sunqunkuta hinaspa yuyayninkuta harkaq tela hinam. Libre kasqankutaqa aychankupa munasqankuta ruwanallankupaqmi servichikurqaku (Heb. 3:8-10).
5. (1) ¿Imamanta librasqa kananchikpaqmi Jehova Diospa chuya espiritunqa yanapawanchik? (2) ¿Imaynatam yachanchik Diospa libre kay qusqanwan sirviente kaqpas hinaspa carcelpi tiyaqpas libre kasqankumanta? (3) ¿Imamantam kay yachachikuypi yachasunchik?
5 Chuya espiritunwan Jehova Diospa quwasqanchik libre kayqa aswan allinmi sirvientekunapa libre kasqankumantaqa. Jehova Diosqa chuya espiritunwanmi librawanchik huchapa hinaspa wañuypa sirvienten kasqanchikmanta, chaynataq pantay religionmanta hinaspa costumbrekunamantapas. Chaykunamantaqa manam pi runapas librawachwanchu (Rom. 6:23; 8:2). Diospa quwasqanchik libre kayqa suma-sumaqmi. Sirviente kaq hinaspa carcelpi tiyaq runakunapas chayna libre kaytaqa atinmankum (Gen. 39:20-23). Chayna kasqantam qawachinku Nancy Yuen hinaspa Harold King iñiqmasinchikkunapa vidan. Iskayninkum achka watakuna carcelpi tiyarqaku Jehova Diosta yupaychasqankurayku. Paykunamantam astawan yachachwan JW Broadcasting nisqapi (VIDEOKUNA > VIDANKUMANTA WILLAKUSQANKU > SASACHAKUYPI TARIKUSQANKUMANTA). Ichaqa kunanmi yachasunchik kay tapukuykunamanta: ¿Imaynatam libre kawsakusqanchikmanta agradecekuchwan? ¿Imaynatam allinta servichikuchwan?
AMAYÁ QUNQASUNCHU DIOS LIBRAWASQANCHIKTAQA
6. ¿Imaynatam Israel runakunaqa Jehova Dios librasqanmanta mana agradecekusqankuta qawachirqaku?
6 Pipas imatapas quwaptinchikqa anchatam agradecekunchik. Jehova Diospas Israel runakunatam libre kawsakunankupaq Egipto nacionmanta hurqurqa. ¿Imatataq paykunaqa ruwarqaku? Librasqa kasqankumanta manapas unay pasaruptinmi, paykunaqa Egipto nacionpi mikuyta hinaspa yakuta yuyarayarqaku, chaymi Jehova Diospa qusqanmanta rimapakurqaku. Jehova Diosta libre kawsakuspanku yupaychanankumantaqa, paykunaqa munarqaku challwakuna, pepinokuna, sandillakuna, porokuna, cebollakuna chaynataq ajoskuna mikuytam, chaymi Egiptoman kutiyta munarqaku. Chaychá Jehova Diosqa paykunawan piñakururqa (Num. 11:5, 6, 10; 14:3, 4). ¿Imatam kaymanta yachachwan?
7. (1) ¿Imaynatam Pabloqa 2 Corintios 6:1 qillqasqanta kasukurqa? (2) ¿Imaynatam ñuqanchikpas chayta ruwachwan?
7 Apostol Pablom iñiqmasinkunata kallpancharqa Jesuswan Jehova Diospa librawasqanchikmanta agradecekunankupaq (qaway 2 Corintios 6:1). Pabloqa hukmanyasqam tarikurqa huchapa hinaspa wañuypa sirvienten kaspan. Ichaqa kikinpa nisqantam kasukurqa, nirqam: “Diosmanyá gracias kachun señorninchik Jesucristontakama”, nispa. ¿Imanasqa? Kikinmi nirqa: ‘Chuya espiritupa leyninmi librawarqanchik huchapa chaynataq wañuypa leyninmanta, chay espirituqa Cristo Jesuswan huklla kaqkunaman vida quqmi’, nispa (Rom. 7:24, 25; 8:2). Ñuqanchikpas anchatam Diosta agradecekunanchik huchapa hinaspa wañuypa sirvienten kachkaptinchik librawasqanchikmanta. Ñuqanchikrayku Jesuspa wañusqanwanmi Jehova Diosta chuya sunquwan yupaychayta atinchik (Sal. 40:8).
¿Imaynatam libre kasqanchikta servichikuchkanchik? ¿Diosta yupaychananchikpaqchu icha munasqanchikta ruwananchikpaqchu? (Qaway 8-10 kaq parrafokama)
8, 9. (1) ¿Imatam Pedro nirqa libre kasqanchikmanta? (2) ¿Imakunata ruwanapaqmi kay pachapi runakunaqa munachiwanchik?
8 Agradecekuspanchikpas, imapaqpas tanteakunanchikpaq libre kasqanchiktaqa allintam servichikunanchik. Apostol Pedrom nirqa libre kasqanchikraykuqa mana allinkunataqa mana haykapipas ruwanamanta (qaway 1 Pedro 2:16). Kay nisqanmi yuyarichiwanchik chunniqpi Israel runakunapa ruwasqankuta. Kunanqa astawanraqmi kasukunanchik Pedropa nisqantaqa. Satanasqa hinaspa kay pachapi runakunaqa tukuytam ruwanku pachata, mikuyta, tomanapaq kaqkunata hinaspa kusirikuykunata munapayananchikpaq. Chaypaqmi sumaq rikchayniyuq runakunata servichikunku, chaynapi mana necesitasqanchik kaqkunatapas rantinanchikpaq. Chay munachiwasqanchikkunamanqa wichiykuchwanmi, hinaspam libre kawsakusqanchikta mana allinta servirachikuchwan.
9 Pedropa nisqanqa yanapawanchikmantaqmi imapi llamkanapaq utaq estudianapaq tanteananchik kaptin. Mozo-sipaskunatam colegionkupi profesorninku hikutanku universidadpi estudianankupaq. Chaynapi estudiayta tukuruspanku llamkayninkupi achka qullqita chaskinankupaq. Ninkum universidadpi estudiayta tukuruspankuqa achka qullqita gananankumanta, mana universidadpi estudiaspankuñataq as qullqillata gananankumanta. Tukuy chaykunatam mozo-sipaskunaqa munapayayta qallaykunmanku, chaymi allinta tanteakunanku. ¿Imatam yuyarinanku paykuna hinaspa tayta-mamankupas?
10. ¿Imatam yuyarinanchik imatapas tanteananchik kaptinqa?
10 Wakinkuqa kikinku tanteakuyta atisqankuraykum piensanku, conciencianku mana juzgaptinqa munasqankuta ruwanankumanta. Ichapas chaynata ninku apostol Pablo kaynata nisqanrayku: “Imapas ruwanaypaq libre kaspaypas, manam allinchu kanman hukpa conciencian juzgawaptinqa”, nispa (1 Cor. 10:29). Ñuqanchikqa librem kanchik imata estudianapaq utaq imapi llamkanapaq tanteakunanchikpaqqa. Ichaqa kaytam yuyarinanchik: Libre kaspanchikpas manam tukuy ima munasqallanchiktachu ruwachwan, chaymantapas imapas tanteasqanchikman hinam imapas kanqa. Chayraykum Pablo nirqa: “Tukuy imatam ruwachwan, ichaqa manam tukuy imachu yanapawanchik. Tukuy imatam ruwachwan, ichaqa manam tukuy imachu kallpanchawanchik”, nispa (1 Cor. 10:23). Chaynaqa, imapaqpas tanteananchik kaptinqa manam munasqallanchiktachu wakinpiqa ruwasunchik.
JEHOVA DIOSPAQ LLAMKASPAM LIBRE KASQANCHIKTA ALLINTA SERVICHIKUNCHIK
11. ¿Imapaqmi Diosqa librawarqanchik?
11 Pedrom nirqa libre kasqanchikrayku mana allinkunataqa mana haykapipas ruwananchikpaq, nirqataqmi libre kasqanchikta ‘Diosta servinapaq’ servichikunamanta. Chaynaqa, Jehova Diosmi Jesuswan huchamantawan wañuymanta librawarqanchik munayninta ruwananchikpaq.
12. ¿Imatam yachachwan Noeymanta hinaspa ayllunmanta?
12 ¿Imaynatam libre kasqanchikta allinta servichikuchwan? Diospa munayninta ruwananchikpaq tiemponchikta hinaspa kallpanchikta servichikuspam (Gal. 5:16). Chaytam ruwarqaku Noeywan ayllunpas. Paykunaqa mana allin runakunapa chawpinpi yachaspankupas, manam chay runakuna hinachu kawsakurqaku. ¿Imam yanaparqa? Jehova Diospa kamachisqanta ruwasqankum, paykunaqa hatun buquetam ruwarqaku, mikuytam huñurqaku paykunapaq hinaspa animalkunapaqpas, chaymantapas runakunamanmi sinchi para kananmanta willakurqaku. Bibliam nin: “Noeymi Diospa kamachisqanman hina lliwta ruwarqa”, nispa (Gen. 6:22). Chayraykum Noeywan ayllunqa sinchi parawan mana wañurqakuchu (Heb. 11:7).
13. ¿Imata ruwanapaqmi Jehova Dios kamachiwanchik?
13 ¿Imatam Jehova Diosqa kamachiwanchik? Paymanta willakunanchikpaqmi (qaway Lucas 4:18, 19). Kay tiempopi runakunapa yuyaynintam satanasqa tutayarachin, chaymi pantay religionwan hinaspa kay pachapi imapas kaqkunawan intusqa kachkanku (2 Cor. 4:4). Ñuqanchikmi ichaqa Jesusta qatipakuspanchik runakunata yanapanchik Jehova Diosta riqsinankupaq hinaspa munayninta ruwanankupaq (Mat. 28:19, 20). Wakinpiqa sasam chay ruwayqa. Wakin llaqtakunapi runakunaqa manam Diosmanta yachaytaqa munankuchu, wakinkuqa piñakunkuraqmi. Chaywanpas tapukuchwanmi: “¿Imaynatam libre kasqayta astawan servichikuyman Diospa munayninta ruwanaypaq?”, nispa.
14, 15. ¿Imata ruwanankupaqmi Jehova Diosta yupaychaqkunaqa tanteakurunku? (Qaway 9 kaq paginapi fotokunata).
14 Achka iñiqmasinchikkunam Diospa piñakuynin punchaw kayllapiña kasqanta entienderuspanku kapuqllankuwan kawsakunankupaq tanteakurunku hinaspam precursor kanku (1 Cor. 9:19, 23). Wakinkum precursor kanku maymi huñunakusqankupi, wakinkuñataqmi Diosmanta willakuqkunapa mana kasqanman rinku. Pasaq pichqa watallapim 250.000 iñiqmasinchikkuna precursor karqaku. Kunanqa 1.100.000 masnin iñiqmasinchikkunañam precursor kanku. ¡Mayna sumaqmi Jehova Diospa munayninta ruwanankupaq libre kasqankuta servichikusqankuqa! (Sal. 110:3).
Santiago 4:8 versiculopa nisqanta, chaypim nin: ‘Diosman asuykuptikichikqa paypas asuykusunkichikmi’, nispa. Chaykunaraykum musyakuni kusisqa kawsasqayta”, nispa.
15 ¿Imataq kay iñiqmasinchikkunata yanaparqa chayta ruwanankupaq? Rimarisunyá John hinaspa Judith iñiqmasinchikkunamanta. Pasaq kimsa chunka watakunam achka nacionkunapi Diosmanta willakurqaku. Paykunam ninku 1977 watapi precursorkunapaq escuela qallaykuptin, precursorkuna huk law llaqtakunaman rispanku yanapakunankupaq kallpanchasqa kasqankumanta. Johnqa achka kutikamam huk-hukpiña llamkarqa kapuqllanwan kawsakunanpaq. Chaymantam huk law nacionman rirqaku Diosmanta willakunankupaq. Chaypim huk rimayta yacharqaku, runakunapa imayna kawsasqankumanmi amañarqaku, chaynataq llumpay chiriman utaq rupaymanpas. Chaywanmi musyakurqaku sasachakuykunata atipanankupaq Jehova Diosta mañakuy hinaspa paypi hapipakuy yanapasqankumanta. ¿Imatam ninku chay watakuna Diosmanta willakusqankumanta? Johnmi nin: “Imamantapas aswan allin llamkaypim karqani. Chaymi yanapawarqa Jehova Dios kuyakuq tayta kasqanta riqsinaypaq. Kunanqa astawanmi entiendeni16. ¿Imaynatam waranqantin iñiqmasinchikkuna libre kasqankuta servichikurqaku?
16 Wakin iñiqmasinchikkunaqa wakin kutikunallapim precursor kayta atinku. Wakinkum enteron pachapi yanapakunku Jehova Diospaq wasikuna ruwaypi. Yaqa 27.000 iñiqmasinchikkunam Warwick (Nueva York) lawpi betel wasita ruwanankupaq yanapakurqaku. Wakinkum iskay semana chaypi yanapakurqaku, wakinkuñataq achka killakuna, hukkunañataqmi huk wata utaq masninpas. Achka iñiqmasinchikkunam Warwick lawpi llamkanankupaq tiempochakurqaku. Llapankum libre kasqankuta allinta servichikurqaku Jehova Diosta hatunchanankupaq, ¡qatipakunapaqmi chay ruwasqankuqa!
17. ¿Ima bendicionkunatam chaskinqaku libre kasqankuta allinta servichikuqkunaqa?
17 Jehova Diostam anchata agradecekunchik payta riqsisqanchikmanta hinaspa yupaychasqanchikrayku libre kasqanchikmanta. Chaynaqa, imapas tanteasqanchikwanyá qawachisun libre kasqanchikmanta agradecekusqanchikta. Libre kasqanchikta mana allinta servichikunanchikmantaqa, allinta servichikusun Diosta yupaychananchikpaq. Chayta ruwaspanchikqa, manam iskayrayachwanchu Diospa kay bendicionninkunata chaskinanchikmantaqa: ‘Unanchasqakunam [suyachkanku] huchapa hinaspa wañuypa sirvienten kasqankumanta librasqa kanankuta, chaynapi Diospa churinkuna hina libreña kanankupaq, chayna librasqa kasqankuqa suma-sumaqmi kanqa’ (Rom. 8:21).