Tayta-mamakuna churi-wawaykichikta yanapaychik yachayniyuq kaspanku salvakunankupaq
“Yachankitaqmi warma kasqaykimantaraq Diospa qillqanmanta yachasqaykitapas, chay qillqapi yachachikuymi yachayta qusunki [...] salvakunaykipaq” (2 TIM. 3:15).
1, 2. ¿Imam wakin tayta-mamakunata llakichin?
SAPA watam waranqantin biblia estudiaqkuna Jehova Diosta yupaychanankupaq tanteakuruspanku bautizakunku. Achka mozo-sipaskunapas tayta-mamanku bibliamanta yachachiptinkum allin kawsakuyta akllakuspanku bautizakunku (Sal. 1:1-3). Arí, Jehova Diosta yupaychaq tayta-mamakunaqa munankum churi-wawanku bautizakunankuta (tupachiy 3 Juan 4).
2 Ichaqa, wakinpim tayta-mamakunaqa llakisqa tarikunku. ¿Imanasqa? Ichapas riqsirqaku wakin mozo-sipaskunata bautizakurusqanku qipata manaña Diospa kamachikuyninkuna kasukuy munasqankuta. Utaq Jehova Diosmanta karunchakurusqankuta. Chaymi tayta-mamakunaqa Apoc. 2:4). ¿Imatam tayta-mamakuna ruwanmanku churi-wawankuwan mana chay pasananpaq hinaspa ‘salvasqa kanankupaq’? (1 Ped. 2:2). Yachasunyá Timoteomanta.
manchakunku paykunapa churi-wawankupas chayna tukurunankumanta. Apostolkunapa tiemponpi Efeso llaqtapi iñiqkunapas yaqa chaynapim tarikurqaku. Chaymi paykunata Jesus nirqa: “Kuyakuynikiqa manañam puntapi hinañachu”, nispa (‘DIOSPA QILLQANMANTA YACHASQAYKI’
3. (1) ¿Haykapim Timoteoqa Jesuspa qatiqnin karqa, hinaspa imatam ruwarqa yachachikuyninkunata yacharuspa? (2) ¿Imakunatam Pabloqa Timoteoman nirqa?
3 Apostol Pablom Listra llaqtata watukurqa 47 kaq watapi. Ichapas chay watapi mozollaraq Timoteo kachkaspan Jesusmanta yachachisqankunata uyarirqa. Timoteoqa chayllam imatapas yachasqanman hina ruwarqa, hinaspapas iskay wata qipatam apostol Pablota illasqanpi riysirqa. Yaqa 16 wata qipatam Pabloqa Timoteoman kaynata qillqarqa: “Qamyá ichaqa hinalla kasukuy yachasqaykikunata hinaspa mana iskayrayaspa creesqaykikunata, qamqa yachankim pikunamanta yachasqaykita, yachankitaqmi warma kasqaykimantaraq Diospa qillqanmanta yachasqaykitapas, chay qillqapi yachachikuymi yachayta qusunki Cristo Jesuspi iñispa salvakunaykipaq”, nispa (2 Tim. 3:14, 15). Pabloqa Timoteotam nirqa: 1) ‘Diospa qillqanmanta yachasqanta’, 2) ‘mana iskayrayaspa creesqanmanta’ hinaspa 3) ‘chay qillqapi yachachikuykuna yachayta quspan Cristo Jesuspi iñispa salvakunanmanta’.
4. ¿Imataq yanapasurqankichik churi-wawaykichikta uywanaykichikpaq? (Qaway 15 kaq paginapi fotota).
4 Diosta yupaychaq tayta-mamakunaqa munankum churi-wawanku ‘Diospa qillqanmanta’ yachanankuta, chayqa Genesismanta Apocalipsis qillqakamam. Warmachakunapas atisqankuman hinam yachanmanku bibliapa imapas willakusqanta hinaspa Diosta yupaychaq runakunamantapas. Chaypaqmi kay tiempopi Diospa llaqtanqa ruwachkan librokunata, folletokunata hinaspa videokunatapas achka rimaykunapi, chaynapi tayta-mamakuna tukuy chaykunawan churi-wawankuta yachachinankupaq. ¿Ima qillqakunataq utaq videokunataq rimaynikipi kachkan? Chaynaqa, churi-wawaykichikqa bibliapa tukuy ima yachachisqantam yachananku Jehova Dioswan allinta kuyachikunankupaq.
‘MANA ISKAYRAYASPA CREESQAYKIKUNA’
5. (1) ¿Imamantam Timoteoqa mana iskayrayarqachu? (2) ¿Imanasqam Timoteo mana iskayrayarqachu Jesusqa Diospa akllasqan runa kasqanmanta?
5 Warmakunamanqa manam bibliapa imapas willakusqallantachu nitaq Diosta yupaychaq runakunallamantachu yachachina. Timoteomanpas yachachirqakum imapas creesqankunamanta mana iskayrayananpaq. Timoteoqa warmacha kasqanmantam allinta yacharqa hebreo rimaypi Diospa palabranmantaqa. Watakuna pasasqanman hinam, payqa mana iskayrayarqachu Jesusqa Diospa akllasqan runa kasqanmanta. Chayta allintapuni yachasqanraykum bautizakurqa hinaspapas
Pablotam riysirqa iñiqmasinkunata watukuptin.6. ¿Imaynatam taytakunaqa warmankuta yanapanmanku bibliapa yachasqankunamanta mana iskayrayanankupaq?
6 ¿Imaynatam taytakunaqa warmankuta yanapanmanku Timoteo hina iñisqankumanta mana iskayrayanankupaq? Chaypaqqa anchatam pacienciakunanku. Warmakunapa iñiyninqa manam huk iskay punchawllapichu allintaqa takyanqa, manataqmi tayta-mamanku iñiyniyuq kasqanraykullachu paykunapas iñiyniyuqqa kanqaku. Bibliapa yachachikuyninkunamanta mana iskayrayanankupaqqa yuyayninkutam allinta servichikunanku utaq imapas yachasqankumantam kikinku allinta entiendenanku (qaway Romanos 12:1). Tayta-mamakunaqa allintam warmankuta yanapananku, astawanraqmi warmanku imamantapas tapukuptinqa. Yachasunyá huk taytapa ima ruwasqanmanta.
7, 8. (1) ¿Imaynatam huk tayta warmi churinman pacienciakuspa yachachin? (2) ¿Imakuna kaptinmi qampas warmaykiman yachachinaykipaq pacienciakurqanki?
7 Tomas sutiyuq iñiqmasinchikpam, 11 watachayuq warmi churin kayna tapukuykunata ruwan: “¿Monokunamantachu Diosqa runata unancharqa?” Hinaspa, “¿imanasqataq autoridadkunata mana akllanchikchu utaq llaqtanchik aswan allin kananpaq mana imatapas ruwanchikchu?”, nispa. Tomasqa wakinpiqa manam chayllachu imatapas willan, payqa yachanmi allillamanta yachachiptin warman sumaqta yachananmanta.
8 Diosta yupaychaqkunaqa llapanchikmi pacienciakuq kananchik. Tomaspas yacharqam warmanman yachachinanpaq pacienciakunanmanta (Col. 3:12). Tomasqa yachantaqmi tiempochakuspa warmanwan sapa kuti rimananmanta. Warmantam yuyaymanachinan bibliapa nisqan chiqap kasqanmanta mana iskayrayananpaq. Tomasmi nin: “Warmichaywanmi yachayta munaniku sichu imapas yachachisqaykuta warmayku chiqappaq hapisqanmanta hinaspa paypaq allin rikchakusqanmanta. Warmaypa tapukusqanqa allinmi. Mana tapukuspa imatapas ‘arí’ niptillanqa llakikuypaqmi kanman”, nispa.
9. ¿Imaynatam warmaykikunata yanapawaq bibliapa yachachikuyninkunapi allinta iñinankupaq?
9 Tayta-mamakuna pacienciakuspa warmankuman yachachiptinkuqa, churi-wawankum iñiyninkupi allinta takyanqaku (Efes. 3:18). Warmakunamanqa yachachinam hayka watanpi kasqanman hina hinaspa yachay atisqankuman hina. Bibliapa yachachikuyninkunamanta warmakuna mana iskayrayaspankuqa, mana manchakuspam escuelanpi utaq huk runakunapa qayllanpi rimayta atinqaku (1 Ped. 3:15). ¿Warmaykikunaqa atinkuchu bibliawan yachachiyta wañukuptinchik imaynaña kasqanchikmanta? ¿Allinpaqchu chay yachachikuykuna paypaq rikchakun? * Warmakunaman bibliapa yachachikuyninkunata yachachinapaqqa anchatam pacienciakuna, ichaqa chayqa manam yanqapaqchu (Deut. 6:6, 7).
10. ¿Imatam tayta-mamakunaqa ruwananku?
10 Chaymantapas, churi-wawakuna bibliapa yachachisqanta sunqunkuman hinaspa umanman churanankupaqqa puntatam tayta-mamakuna chayta ruwananku. Kimsa wawayuq Estefani sutiyuq iñiqmasinchikmi nin: “Wawallaraq kasqankumantam sapa kuti tapukurqani: ‘Warmaykunamanqa, ¿willanichu Jehova Dios kasqanmanta, allin kaqta ruwasqanmanta hinaspa kuyakuq kasqanmanta kikiypuni imanasqa mana iskayrayasqaymanta? ¿Kikiypuni Diosta kuyasqaytachu paykuna qawanku?’ Manam hikutaymanchu tukuy chaykunata ruwanankupaq sichus kikiypuni mana ruwaspayqa”, nispa.
YACHAYTAM QUSUNKI SALVAKUNAYKIPAQ
11, 12. ¿Imaynam yachayniyuq kayqa, hinaspa imanasqam mana hayka watayuq kasqanchikmantachu?
11 Yachamusqanchikman hinam, Timoteoqa 1) Diospa palabranmanta yacharqa hinaspa 2) iñisqanmanta mana iskayrayarqachu. Ichaqa, ¿imatam Pabloqa niyta munachkarqa Diospa palabranqa ‘yachaytam qusunki salvakunaykipaq’ nispanqa?
12 Perspicacia volumen 2 qillqapim yachayniyuq kaymanta riman, bibliapi yachayniyuq kaymanta rimaspanqa rimachkanmi yachaywan ima sasachakuytapas allichanamanta, imapas sasachakuykunaman mana wichinamanta, imapas ruway munasqanchikta ruwanamanta utaq chayta ruwanankupaq hukkunata yanapaymanta. Bibliam nin: ‘Mana allinkuna ruwayqa warmakunapa sunqunpim tarikun’, nispa (Prov. 22:15, Chuya Qellqa 2012). Yachayniyuq runaqa manam yanqakunataqa ruwanchu, yachaywan ruwaspanmi allin yuyayniyuq kasqanta qawachin. Pipas allin yuyayniyuq kananpaqqa manam hayka watayuq kasqanmantachu, aswanqa Jehova Diosta kusichisqanmantam hinaspa kamachikuyninkuna kasukusqanmantam (qaway Salmo 111:10).
13. ¿Imaynatam mozo-sipaskunaqa qawachinku allin yuyayniyuq kasqankuta?
13 Allin yuyayniyuq mozo-sipaskunaqa, manam mana allin munayninkunawanqa nitaq estudiaqmasinkunapa hikutasqankuwanqa aysachikunkuchu, paykunaqa manam “lamar quchapi olakuna hinaspa wayrapa apakachasqan botekuna” hinachu kanku (Efes. 4:14). Aswanmi “chay tanteay atisqankuqa listo kachkan allin kaqtapas hinaspa mana allin kaqtapas” ruwanankupaq (Heb. 5:14). Mozo-sipaskunaqa allin yuyayniyuq kasqankutam qawachinku tayta-mamanku utaq yuyayniyuq runakuna mana kaptinpas allinta ruwaspanku (Filip. 2:12). Chayna yuyayniyuq kaymi yanapawasun salvakunanchikpaq (qaway Proverbios 24:14). ¿Imaynatam taytakunaqa warmankuta yanapanmanku yachayniyuq kanankupaq? Chaypaqqa, taytakunam bibliapa nisqanman hina kikinkuraq kawsakusqankuta warmankuman qawachinanku. Imapas nisqankuwanmi hinaspa ruwasqankuwanmi qawachinanku Diospa munasqanman hina kawsakunankupaq kallpanchakusqankuta (Rom. 2:21-23).
¿Imanasqataq ancha allin churi-wawankuman tayta-mamakunapa yachachiyninkuqa? (Qaway 14-18 kaq parrafokama)
14, 15. (1) ¿Imapim mozo-sipaskunaqa yuyaymanananku manaraq bautizakuchkaspanku? (2) ¿Imaynatam warmaykita yanapawaq bibliapa kamachisqanta kasukuy allinninkupaq kasqanpi yuyaymananankupaq?
14 Tayta-mamakunaqa manam warmankumanqa imapas allin utaq mana allin Is. 48:17, 18).
kasqallantachu ninanku. Warmankuta yuyaymanachinankupaqmi kaynakunata tapunanku: “¿Imanasqam bibliaqa wakin ruwaykunata mana ruwananchikpaq niwanchik sumaq rikchakuptinpas? ¿Imanasqataq niwaq bibliapa kamachisqanta kasukuyqa allinninchikpaq kasqanta?”, nispa (15 Churi-wawayki bautizakuyta munaptinqa, ninaykim chayqa mana pukllay hinalla kasqanmanta. ¿Allintachu entienden mana pukllay hinalla kasqanta? ¿Ima bendicionkunatam chaskinqa hinaspa ima sasachakuykunapim tarikunqa? Sasachakuykuna hamuptinpas, ¿imanasqataq bautizakuyqa ancha allin? (Mar. 10:29, 30). Warmaykikunaqa kaykunapim yuyaymananan manaraq bautizakuchkaspan. Warmaykikunata yanapay kasukuspanku ima bendicionkuna chaskinankumanta, hinaspa mana kasukuspanku ima sasachakuykunapi tarikunankumanta yuyaymananankupaq. Chayta yachaspankuqa, manam iskayrayanqakuchu bibliapa kamachisqanta kasukuy haykapipas allinninkupaq kasqanmanta (Deut. 30:19, 20).
¿IMATAM TAYTA-MAMAKUNA RUWANMANKU DIOSPI IÑISQANMANTA WARMANKU ISKAYRAYAPTINQA?
16. ¿Imatam tayta-mamakunaqa ruwanmanku churi-wawanku bautizakusqan qipata Diosmanta iskayrayayta qallaykuptinkuqa?
16 ¿Imatam tayta-mamakunaqa ruwanmanku churi-wawanku bautizakusqan Sal. 73:1-3, 12, 13). Tayta-mamakunaqa kaytam yachananku: Warmankuta imayna rimapayasqankum yanapanqa Jehova Diosta hinalla yupaychanankupaq utaq manapas. Kallpanchakunankum churi-wawankuta mozo-sipas kaptinkupas utaq warmallaraq kaptinkupas mana qaqchanankupaq. Tayta-mamakunaqa churi-wawankumanmi kuyasqankuta hinaspa yanapay munasqankuta qawachinanku.
qipata Diosmanta iskayrayayta qallaykuptinkuqa? Ichapas huk kaq mozo-sipas runakunapa mana allin ruwasqanta qatipakuyta munanman, utaq bibliapa kamachikuyninkuna allinninpaq kasqanmanta iskayrayayta qallaykunman (17, 18. Bautizasqa mozo-sipas Dios yupaychayta manaña munaptinqa, ¿imaynatam tayta-mamakunaqa yanapanmanku?
17 Bautizakuq mozo-sipaskunaqa Jehova Diostam nirqaku kuyanankupaq hinaspa imamantapas puntata paypa munayninta ruwanankupaq (qaway Marcos 12:30). Diospaqqa manam pukllay hinallachu chayna nisqankuqa, chaynatam qawananku lliw bautizakuqkunapas (Ecl. 5:4, 5). Warmankuman chayta yuyachinankupaqmi tayta-mamakunaqa tiempochakunanku. Ichaqa chaypaqmi tayta-mamakunaqa puntata estudiananku Diospa llaqtanpi lluqsimuq qillqakunata, hinaspam kuyakuywan yuyarichinanku Diospaqña kawsanankupaq tanteakusqanku hinaspa bautizakusqankuqa ancha allin kasqanmanta, hinaspa Diosmanta achka bendicionkunata chaskinankumantapas.
18 Tayta-mamakunaqa ñawinchanmankum Los jóvenes preguntan volumen 1 niq qillqapi “Los padres preguntan” niq yachachikuykunata 289 kaq paginapi. Chaypim nin: “Ama chayllaqa piensaychu Jehova Diosta yupaychayta manaña warmayki munasqantaqa. Yaqa lliw mozo-sipaskunam chayna tarikunku sunqunpi imapas sasachakuyniyuq kasqankurayku”, nispa. Chay sasachakuyninqa kanmanmi estudiaqmasinkuna imatapas ruwananpaq hikutasqanrayku, sapallanku kasqankuta piensasqankurayku utaq mozo-sipasmasinkuna Diospa llaqtanpi astawan ñawparisqankuta piensasqankurayku. Chay qillqaqa nintaqmi: “Warmaykikunaqa manam iñiyninkupi mana allin takyasqa kasqantachu qawachinku, aswanqa chayna sasachakuypi kasqankuraykullam hukmanyanku”, nispa. Chay qillqaqa nintaqmi warmakuna Dios yupaychayta manaña munaptin imaynata yanapanankumantapas.
19. ¿Imaynatam tayta-mamakunaqa yanapanmanku churi-wawankuta yachayniyuq kaspanku salvakunankupaq?
19 Tayta-mamakunaqa churi-wawankutaqa sumaqtam uywananku ‘Jehova Diospa kamachisqanman hinaspa yachachisqanman hina’ (Efes. 6:4). Yachamusqanchikman hinaqa manam bibliamantaqa yachachiyllachu yachachinanku, aswanqa yanapanankutaqmi yachasqankumanta mana iskayrayanankupaq. Chaymantapas churi-wawakuna Diosmanta allinta yacharuspankuqa mana iskayrayaspankum tanteanqaku Diospaqña kawsakunankupaq. Chaynaqa Diospa palabran, chuya espiritu hinaspa tayta-mamakunapa yanapakuyninwanmi churi-wawakunaqa atinqaku yachayta haypaspanku salvakuyta.
^ par. 9 Internetpi “¿Qué enseña realmente la Biblia?” niq yachachikuykunaqa achka rimaykunapim kachkan, mozo-sipaskunata hinaspa yuyayniyuq kaqkunatapas yanapanmanmi bibliapa yachachikuyninkunata allinta yachanankupaq hinaspa hukkunata yachachinankupaqpas. Kay yachachikuykunatam tariwaq jw.org ENSEÑANZAS BÍBLICAS > AYUDAS PARA ESTUDIAR LA BIBLIA nisqapi.