Kaqmanta casarakurusqanraykum, ñawpaq casado vidanqa tukunña. Kunan casado vidanñataqmi valen autoridadkunapa nisqanman hina kasqanrayku. Imaynanpi chayna kasqanmanta yachaykunapaqyá, Jesuspa nisqanmanta yachaykusun.

Mateo 19:9 Jesus nirqa imaraykulla pipas qusanmanta utaq warminmanta divorciakunanta. Chaypim nin: “Mana huchapakuchkaptin pipas warminmanta divorciakuspan hukwan casarakuqqa pierdekuy huchamanmi wichiykun”, nispa. Jesuspa nisqanman hinaqa 1) pipas qusanmantaqa utaq warminmantaqa divorciakunman, warmin utaq qusan huchallikuruptillanmi, 2) pipas warminmanta utaq qusanmanta yanqapas-yanqa divorciakuspanqa huchamanmi wichiykun. *

Chaynaqa, ¿bibliapi nisqanman hinaqa huchallikuqqa librechu warminmanta utaq qusanmanta divorciakuspan piwanpas casarakunanpaq? Wakinpim kanman, wakinpim mana. ¿Imaynanpi? Mana huchallikuq kaq qari utaq warmi chayta tantiasqanraykum. Chay mana huchayuq kaq allinyanakunankupaq niptinqa, manam hukwanqa casarakunmanchu. Mana allinyanakuyta munaptinmi ichaqa divorciakuspan hukwan casarakunman. Mana huchayuq kaqpas librem qipan hukwan casarakunanpaq.

¿Ima nichwantaq qusan utaq warmin allinyanakunankupaq nichkaptin qusanmanta utaq warminmanta sapallanpi divorciakuqmantaqa? Mana huchallikuq qari utaq warmi allinyanakunankupaq niptinqa, huchallikuq qariqa utaq warmiqa manam librechu hukwan casarakunanpaqqa. Allinyanakunankupaq nichkaptin hukwan casarakuspanqa, kaqmantam huchallikuchkan. Chayna kaptinqa huchallikuqta yanapaq punta apaqkunam kaqmanta yanapananku (1 Cor. 5:1, 2; 6:9, 10).

Huk kaqnin iñiqmasinchik yanqapas-yanqa warminmanta utaq qusanmanta divorciakuruspan hukwan casarakuruptinqa, ¿ima nichwantaq ñawpaq casado vidanmanta chaynataq kunan casado vidanmanta? ¿Valenraqchu punta casado vidan bibliapi nisqanman hinaqa? ¿Kutinakuykunmanraqchu mana huchayuq warmin utaq qusan, divorciakuruq warminwan utaq qusanwan, huchallikuq qusan utaq warmin paymanta divorciakuruptinñapas? ¿Nichwanchu kunan casado vidanqa hucha kasqanta?

Kunankamam nirqanchik punta warmin utaq qusan kawsaptinqa, mana piwanpas casarakuptinqa, huchaman mana wichiptinqa, qipa casado vidanqa hucha kasqanta. Ichaqa, Jesusqa divorciakuymantawan kaqmanta casarakuymanta rimaspanqa, divorciakuq qarillamantam utaq warmillamantam rimarqa, manam rimarqachu mana huchayuq kaq qarimantaqa utaq warmimantaqa. Aswanqa nirqa, warmin utaq qusan mana  huchallikuchkaptin, pipas divorciakuruspanqa huchapi kasqantam. Yanqamanta divorciakuruspan hukwan casarakuruptinqa, punta casado vidanqa chaypim tukun.

Pipas qusanmanta utaq warminmanta yanqapas-yanqa divorciakuruspan hukwan casarakuruptinqa mana huchayuq warminqa utaq qusanqa manañam atinmanchu “allinyanakusun” utaq “divorciakusun” niytaqa, chayqa manañam paypa makinpichu. Manataqmi punta warmin utaq punta qusan kawsasqanraykuqa utaq mana piwanpas casarakusqanraykuqa utaq huchaman mana wichiykusqanraykuqa nichwanchu chay casarakuruq qariqa utaq warmiqa kay qipa qusanwan utaq warminwan huchapi kasqantaqa. *

Ichaqa, ¿ima nichwantaq pipas mana huchaman wichichkaspan qusanmanta utaq warminmanta divorciakuruspa hukwan casarakuruptinqa utaq divorciakurusqan hawaña huchaman wichiykuspan, warmin utaq qusan allinyanakunankupaq nichkaptinpas, hukwan casarakuruptinqa? Yanqamanta divorciakuspan hukwan casarakusqanqa hucham. Ichaqa divorciakuspan kaqmanta casarakusqanraykum ñawpaq casado vidanqa tukunña. Kunan casado vidanñataqmi valen autoridadkunapa nisqanman hina kasqanrayku. 1980 watapi 15 punchaw febrero killapi lluqsimuq La Atalaya qillqapipas 30 paginapim nirqa: “Kaqmanta casarakuruq warmiqa utaq qariqa, ñawpaq warminwanqa utaq qusanwanqa manañam kutinakuykunmanchu. ¿Imaynanpi? Divorciakuspan, huchallikuspan, kaqmanta casarakuspan ñawpaq casado vidanta yanqachasqanraykum”, nispa.

Kay yachachikuyqa manam casado vidata yanqachanapaqchu nitaq pipapas huchapakusqanta allinpaq hapinapaqchu. Pipas qusanmanta utaq warminmanta yanqapas-yanqa divorciakuspan hukwan casarakuptinqa, huchallikuqta yanapaq punta apaqkunam yanapananku chay huchallikuqta. Qipa casarakusqan warmin utaq qusan testigo kaspanqa, paypas huchallikuchkanmi. Chayraykum huchallikuqta yanapaq punta apaqkunaqa paytapas yanapananku. Manam nichwanchu kay qipa casado vidan mana valesqantaqa, ichaqa chayta ruwaq qariqa utaq warmiqa, manam congregacionpiqa unay watakuna pasanankama yanapakunmanchu. Tukuy ima ruwasqankuta runakuna qunqanankukamam suyananku kanqa. Chaymantapas yanapakunanpaqqa divorciakusqan warminpa utaq qusanpa, imayna tarikusqanman hinam kanqa. Churiyuq utaq wawayuq kaptinqa, chay saqisqan churinkunapa utaq wawankunapa imayna tarikusqanman hinam kanqa (Mal. 2:14-16).

Ñuqanchikqa Jehova Diostam qatipakunanchik, manam yanqapas-yanqa qusanchikmanta utaq warminchikmanta divorciakuruspaqa hukwanqa casarakunanchikchu (Ecl. 5:4, 5; Heb. 13:4).