WILLAKUQ (HUÑUNAKUYPI YACHANAPAQ) Junio 2020
Kaykunamantam yachasun 3 punchaw agosto killamanta 30 punchaw agosto killakama.
Taytanchik Jehovapa sutintayá chuyanchasun
23 kaq yachachikuy: Kaymantam yachasun agosto killapi, 3 punchawmanta 9 punchawman riq punchawkunapi. ¿Taytanchik Jehovamanta satanaspa ima nisqantaq runakunatawan angelkunata hukmanyachiwanchik? ¿Imaynanpitaq taytanchik Jehovapa sutinta chuyanchananchik? Hinaspa, ¿imatataq ruwachwan taytanchik Jehovapa sutin chuyanchasqa kananpaq? Kaymanta yachayninchikmi yanapawasun hinalla taytanchik Jehovapi hapipakunapaq.
Taytanchik Jehovatayá mañakusun tukuy sunquwan yupaychanapaq
24 kaq yachachikuy: Kaymantam yachasun agosto killapi, 10 punchawmanta 16 punchawman riq punchawkunapi. Kunanmi yachasunchik kamachiq David Salmo 86:11, 12 ima nisqanmanta, yachasuntaqmi taytanchik Jehovata manchakuy ima kasqanmanta, imanasqa taytanchik Jehovata manchakunamanta, hinaspa taytanchik Jehovata manchakuyqa mana allinkunaman mana wichiykunapaq waqaychawasqanchikmanta.
Astawan yachay munaqkunapaq
¿Galatas 5:22, 23 nisqanman hina kanallapaqchu taytanchik Jehovapa atiyninqa yanapawanchik?
Taytanchik Jehovaqa chiriyasqa iñiqmasinchikkunataqa manam qunqanchu
25 kaq yachachikuy: Kaymantam yachasun agosto killapi, 17 punchawmanta 23 punchawman riq punchawkunapi. ¿Imaynanpitaq achka iñiqmasinchikkuna chiriyanku unay watakunaña taytanchik Jehovata yupaychachkaspankupas? ¿Yaqachum taytanchik Jehovaqa paykunata yuyachkanraq? Kay yachachikuypim kaykunamanta yachachkasun. Yachachkasuntaqmi ñawpaq tiempopi yupaychaqninkunata pantaruptinkupas taytanchik Jehova imayna yanapasqanmanta.
Taytanchik Jehovaman kutirikamuq iñiqmasinchikkunatayá yanapasun
26 kaq yachachikuy: Kaymantam yachasun agosto killapi, 24 punchawmanta 30 punchawman riq punchawkunapi. Chiriyaruq iñiqmasinchikkunatam taytanchik Jehova nin: “Kutirikamuwaychik ñuqaman”, nispa. Llapallanchikmi yanapakuchwan chiriyasqa iñiqmasinchikkuna taytanchik Jehovaman kutirikamunankupaqqa. Kay yachachikuypim chaymanta yachachkasun.
